VOV4.K’ho – Drim òr, 18/4, Phó Chủ tịch lơgar mò Đặng Thị Ngọc Thịnh tus bal pơrjum Bộ trưởng Hợp tác xã tiah châu Á – Thái Bình Dương dơ\ 10 mờ tơngume “Wèt sền tus nam 2030: Sơlơ tơnguh rlau tai bơta dong kờl mờ tam klac rlau tai đah Chính phủ mờ tiah Hợp tác xã nàng mut lơh ală jơnau kờ` bơtàu tơnguh kơ\ kơljap”. Đơs mut pơrjum, mò Đặng Thị Ngọc Thịnh đơs tờm: do là tu\ Việt Nam gơtùi tă pơgồp ngan ngồn rlau tai ai Hợp tác xã tiah châu Á – Thái Bình Dương in, cèng wơl bơta kuơ ngan ngồn ai hợp tác xã mờ làng bol in. Pơrjum geh bơyai lơh tàm tu\ dunia mờ tiah do geh uă tam gơl, geh bal bơta [uơn mờ bơta lòng. Den tàng, pal chồl pràn tam klac mờ mut gơrờm bal tiah do jrô ơnàng. Hợp tác xã tiah châu Á – Thái Bình Dương sơlơ tơnguh rlau tai pràn jak tàm pơrlòng, bơceh pa mờ tus bal ròt bơta kuơ gùt plai ù, pơn jờng kuơ màng ai bơtàu tơnguh mờ ai geh broă lơh. Bal mờ hơ\, tềng đap ală tam gơl trồ tiah pal sơlơ gàr tơl phan sa mờ bơtàu tơnguh lơh sa suơn sre kơ\ kơljap.

               Cau cih mờ yal tơnggit K’Duẩn