VOV4.K’ho – Drim ngai 24/8, Pơrjum Bộ trưởng Kinh tế ală lơgar Campuchia – Lào – Myanmar mờ Việt Nam dơ\ 12 neh geh lơh tàm Hà Nội, lơgar Việt Nam jat broă lơh pờ tơlik tơn tàm internet. Do là broă lơh kươmàng gơ ơm tàm tơngume dơ\ pơrjum Bộ trưởng Kinh tế mpồl ASEAN dơ\ 52 mờ ală pơrjum geh gơ rềng geh lơh bơh ngai 22 tus ngai 30 nhai 8 nam 2020 tàm Hà Nội.

Pơrjum dơ\ do, ală lơgar tơrgùm cribơyai 2, 3 broă tờm, geh: Kờp sền, sền sơwì broă lơh jat broă rơndap lơh bal lơh sa Campuchia – Lào – Myanmar mờ Việt Nam, tơngai bơh nam 2019 tus nam 2020; Ring bal broă rơndap lơh tơngai bơh nam 2021 tus nam 2022; broă rơndap lơh sơndră mờ bơtàu tơnguh wơl tơnơ\ kòp Covid-19. Dùl tàm ală tơngume tờm geh ală Bộ trưởng tơrgùm cribơyai tàm pơrjum là gơ rềng bơh kòp Covid-19 dê tus ală broă lơh sa mờ gùng dà lơh broă bal sơndră, bơtàu tơnguh wơl tơnơ\ kòp dờng.

Cau mblàng K’Duẩn