VOV4.K’ho- Ngai òr (02/03), Phó Thủ tướng, Bộ trưởng Ngoại giao ồng Phạm Bình Minh lam bồ mpồl kuang bàng lơgar Việt Nam tus pơrjum Bộ trưởng Ngoại giao mpồl ASEAN ờ mùl màl jăt broă lơh pờ tơl^k tàm internet.

                                   Phó Thủ tướng, Bộ trưởng Ngoại giao ồng Phạm Bình Minh

Đơs tàm pơrjum, Phó Thủ tướng ồng Phạm Bình Minh đơs là, bơta tam lơh mờ kal ke gơguh uă lơh gơtìp hoàc huơr tus mờ màng kis kòn bơnus tàm ală ngai pa do tàm lơgar Myanmar mờ lơh aniai tus mờ bơta ring lơngai mờ ring niam ờ mìng tàm lơgar Mynamar mờ jơh tàm tiah do.

Phó Thủ tướng hòi jà ală gah tơmù uă ngan nùs nhơm, pleh mờ ală broă lơh gơtìp tam lơh, gàr niam ờ do ờ dă làng bol in, bơyai lơh cri bơyai ring lơngai nàng gờ` ai bơta gơs bè ờs wơl. Phó Thủ tướng hòi jà mpồl ASEAN pơgồp bal nền nòn, tơnguh gơnoar, ngui geh cồng nha ală bơta phan, cơ chế lơh broă bal tu\ do geh nàng dong kờl lơgar Myanmar ring niam bơta tài bơta kuơ làng bol dê mờ dà lơgar Myanmar kung bè tài bơta ring lơngai, ring niam tàm tiah do mờ tam klăc bal, bơngă pin dờn bơh mpồl  ASEAN dê.

Cau mblàng Ndong Brawl