VOV4.K’ho – Drim òr, 02/3, tàm Hà Nội, Đảng uỷ mpồl ală anih lơh broă dà lơgar bơyai lơh pơrjum bơsram, mblàng mut ngui ală Nghị quyết bơh Ban chấp hành Đảng bộ mpồl dê. Tàm pơrjum, ală kuang bàng geh iat mờ mblàng ală tơngume bè Nghị quyết Ban chấp hành Đảng bộ mpồl: bè kơnòl broă lơh nam 2017; bè tơnguh jơnhua cồng nha broă lơh lam sồr làng bol bơh Đảng bộ ală anih lơh broă dà lơgar; bè tam gơl pa broă lơh nùs nhơm kờ` tam dră, kơryan geh cồng nha ală tơnggo\ lơh gơlik is, tam gơl is tàm dơlam mpồl mờ Nghị quyết bè sơlơ tơnguh rlau tai bơta lam lài bơh kuang bàng, cau geh Đảng dê. Ban chấp hàng Đảng bộ mpồl sồr: Tơnơ\ pơrjum do, mpồl duh broă Đảng mờ tơl nă kuang bàng, cau geh Đảng pal jal mhar bơyai lơh bơsram, mblàng, kơlôi sơnơng mờ mut lơh ngan ngồn ală tơngume Nghị quyết dê. Mơkung bơtơl tàm broă lơh bơh Ban chấp hành Đảng bộ, Ban thường vụ Đảng uỷ mờ ală kơnă Đảng nàng lam mut lơh gơ in dipal mờ bơta geh ngan tàm [òn lơgar.

                    Cau cih mờ yal tơnggit K’Duẩn