VOV4.K’ho – Drim òr, 22/9, tàm Hà Nội, mpồl mblàng yal gùng dà broă lơh dà lơgar, mpồl đơng lam broă lơh yal tơnggit cribơyai mờ lơgar ndai pơgồp bal mờ Anih duh broă gah tề lam gùng dră bal dà lơgar Việt Nam bơyai lơh pơrjum bơto pơlam broă lơh yal tơnggit cribơyai mờ lơgar ndai nam 2016 ai mpồl kuang bàng lơh broă yal tơnggit cribơyai mờ lơgar ndai bơh ală mpồl lơh broă gùng dră bal - mpồl bơtìan mờ Anih duh broă gah tề lam gùng dră bal dà lơgar bơh 63 càr, [òn dờng tàm gùt lơgar. Tàm pơrjum, ală kuang bàng geh iat ală bơta kuơ màng bơh broă yal tơnggit cribơyai mờ lơgar ndai; ală bơta gơlik geh tàm dunia, tàm kơnhoàl mờ ală broă lơh mờ lơgar ndai bơh Đảng, dà lơgar dê; ờ uă tơngume kuơ màng tàm broă lơh mblàng yal bè gơnoar tờm tiah nhàr lơgar, ù tiah Việt Nam; broă lơh cribơyai mờ lơgar ndai làng bol; broă lơh yal tơnggit cribơyai mờ lơgar ndai tàm gah jat ỳang tàm lơgar Việt Nam tu\ do. Ală jơnau tơnggit, mờng chài geh yal tàm pơrjum geh pơgồp bơnah dờp git, bơt bơtàu mờ tơnguh git wă, pràn jak lơh broă tus mờ mpồl kuang bàng lơh broă yal tơnggit cribơyai mờ lơgar ndai bơh Gah tề lam gùng dră bal mờ ală mpồl lơh broă gùng dră bal - mpồl bơtìan, bơh hơ\ drơng sơlơ niam jơnau kờ`, kơnòl tàm tơngai pa.

            Cau cih mờ yal tơnggit K’ Duẩn.