VOV4.K’ho – Drim ngai 12/8, Đảng bộ Khối anih lơh broă mờ mpồl lơh sa kă bro càr Kon Tum mut pơrjum cau ala mat dơ\ 2, tơngai lơh broă bơh nam 2020 tus nam 2025.

Đơs tàm pơrjum, Phó Bí thư Thường trực Tỉnh ủy Kon Tum, ồng A Pớt sồr pơrjum pal mblàng lơh loh, tơrgùm cribơyai bè broă sơlơ đơng lam bồ ală mpồl duh broă Đảng gơ wèt Đảng bộ lơh jat kơ nòl broă geh jàu; đơng lam lơh jat niam kơ nòl broă chính trị bơh anih lơh broă, mpồl lơh broă, mpồl lơh sa kă bro.

Pơn jat tai tơnguh pràn jak đơng lam bồ, bơta pràn lơh broă bơh ală mpồl duh broă Đảng mờ mpồl đảng viên dê. Sền gròi tus broă lơh bơtàu tơnguh đảng viên, ngan là tàm ală mpồl lơh sa kă bro bơdìh dà lơgar, lơh ngan tàm tơngai lơh broă pa, tơmut bơh 500 nă đảng viên pa rlau hơđang.

Cau mblàng K’Duẩn