VOV4.K’ho – Drim òr, 23/3, mpồl cau chài cah rơ`a càr Lâm Đồng neh bơyai lơh pơrjum cau ala mat dơ\ 7, tơngai bơh nam 2016 tus nam 2021. Tàm pơrjum, ồng Lê Minh Tâm, kuang jat jơng atbồ mơlà kuang atbồ mpồl dong broă mpồl cau chài cah rơ`a Việt Nam đơs tờm ờ uă kơnòl kuơ màng nàng mpồl cau chài cah rơ`a càr Lâm Đồng tơr gùm mut lơh tàm tơngai tus bè: Mpồl cau chài cah rơ`a pal pơnjat tai sền gròi ală broă lơh pơgồp bơnah tơnguh git wă kơrnuat boh lam làng bol dê, sơlơ tơnguh mpồl tam klac dờng ală kòn cau, bơtàu tơnguh bơta pin dờn bơh làng bol dê tus mờ Đảng, dà lơgar. Tơr gùm lam sồr bơtàu tơnguh mpồl lơh broă tàm ntum, sơnah [òn, [òn drà. Tơnguh pràn jak, cồng nha lơh broă, brồ guh bơta lơh broă dong kờl is, bơta git wă is bơh mpồl bơtìan, cau tàm mpồl. Bơyai lơh lam sồr cau tàm mpồl tus bal tă pơgồp jơnau đơs bơt bơtàu ală rơndap adat mờ ală sră nggal pơlam mut ngui kơrnuat boh lam, broă sền gròi mờ cribơyai bè broă lơh kơrnuat boh lam.

                                       Cau cih mờ yal tơngit K’ Duẩn.