VOV4.K’ho – Pơnjat tai ngai lơh broă dơ\ 2 bơh pơrjum ala mat cau ùr gùt lơgar dơ\ 12, ngai òr, ală cau ala mat tơrgùm cribơyai ală bơta cau ùr sền gròi mờ pồ mpồl đơng lam mpồl tam klac cau ùr lơgar Việt Nam dơ\ 12. Dùl tàm ală bơta geh ală cau ala mat mờ kuang đơng lam bồ ală gah, sơnah lơh broă dà lơgar đơs cribơyai tàm pơrjum là tơnguh jơnhua cồng nha bơto broă lơh, sền gàr gơnoar kuơ cau ùr lơh broă in. Ală nam do, broă tơnguh jơnhua mpồl cau lơh broă, ai geh broă lơh cau ùr in là 1 tàm ală jơnau kờ` kuơ màng geh sền gròi lài ngan. Kờp tus nhai 11 nam 2016, kờp jơh priă bơcri bơh Kes priă dà lơgar bè broă lơh geh rlau 5 rbô tơmàn priă, pơgồp bơnah ai geh broă lơh mờr 100 rbô nă cau in pah nam, tàm hơ\ cau ùr geh mờr 60%.

Pơrjum kung pồ 161 uỷ viên mut tàm mpồl đơng lam mpồl tam klac cau ùr lơgar Việt Nam kơnă 12, tơngai lơh broă bơh nam 2017 tus nam 2022. Drim do, pơrjum tơn jơh.