VOV4.K’ho - Tơn kah 70 nam ngai kăc màng nhai 8 mờ sơntòm dà lơgar ngai 02/9, drim do (24/8), tàm Hà Nội, Viện Hàn lâm Khoa học xã hội Việt Nam neh pơgồp bal mờ Gah bơto pơlam gùng dà broă lơh dà lơgar mờ mpồl đơng lam Đảng [òn dờng Hà Nội neh bơyai lơh pơrjum cri bơyai khà dà lơgar: “70 nam Kăc màng nhai 8 mờ sơntòm dà lơgar cộng hoà xã hội chủ nghĩa Việt Nam mờ rài tam gơl pa, tơrgùm bal mờ tơnguh bơtàu (1945-2015)”. Tàm pơrjum, ală kuang bàng geh cri bơyai mờ tam pà bal ală cồng nha kơlôi sơnơng bè bơta kuơ bơh rài lài do Kăc màng nhai 8/1945 dê, crơng gơs dà lơgar Việt Nam Dân chủ cộng hoà tus mờ broă tam gơl pa, tơrgùm mờ tơnguh bơtàu dà lơgar he dê tàm 70 nam do. Mờ sền wơl ală bơta niam, bơta kal ke geh ai tơl^k tàm broă lơh jăt khà bơ\t bơtàu dà lơgar, sền gàr kơl jăp bơta lơngăp lơngai is, tơrgùm bal mờ geh tơl ù tiah dà lơgar, tơnguh bơngă lơgar Việt Nam tàm dunia dê.

Cau mblàng Ndong Brawl