VOV4.K’ho - Drim òr (12/6), tàm hìu lơh broă Chính phủ, Phó Thủ tướng ồng Vũ Đức Đam neh đơng lam pơrjum cri bơyai bè ală broă lơh kờ` lơh jăt Nghị quyết sồ 02 bơh Chính phủ tàm 6 nhai lồi nam 2019.

Tàm pơrjum, Phó Thủ tướng ồng Vũ Đức Đam sồr ală bộ pal lơh gơs bè broă tơl^k ală sră nggal bơto sồr lơh jăt ală khà mùl màl. Phó Thủ tướng sồr ală Bộ, gah lơh broă dà lơgar lơh gơs broă sền wơl, koh tơmù mùl màl 50% khà phan pal sền gròi jăt gah lơh broă lài mờ ngai 30 nhai 6; mờ sồr sền wơl ală bơta kă bro kờ` yal mờ Chính phủ sền wơl ală broă gam kal ke tài adăt boh lam.

Gơwèt mờ broă tơm priă ờ ngui priă ngan, Phó Thủ tướng đơs là: tơm priă ờ ngui priă ngan là broă geh kuơ, di lah lơh niam geh chồl pràn ală gah broă ndai. Tơm priă bơh điện thoại at tê là broă lơh pa, mơya pal geh lơh ndrờm bal, sền do là broă lơh viễn thông ha là broă drơng ơla tơm priă.

Cau mblàng Ndong Brawl