VOV4.K’ho - Drim òr (06/5), tàm Hà Nội, ồng Phạm Bình Minh, kuang jăt jơng gơs gơnăp gơnoar atbồ hờ đang rơlao jơh dà lơgar mờ là kuang atbồ gah cri bơyai broă lơh bal mờ lơgar ndai dà lơgar bal mờ ồng Fumio Kishida, kuang atbồ gah cri bơyai broă lơh bal mờ lơgar ndai lơgar Nhờk neh đơng lam bal pơrjum Anih duh broă, broă lơh bal bơh lơgar Việt Nam mờ lơgar Nhờk dơ\ 8. Tàm pơrjum, 2 gah neh ring bal tơnguh rơlao tai nùs nhơm pin dờn gùng dră bal bơh tàm broă tơnguh sùm ală dơ\ tus còp dờng mờ tìp bal tàm ală kơnă, kung bè ring bal bè uă tơngu me lơh broă bal tàm ală gah bè lơh sa, kă bro, bơcri priă, bơto bơtê mờ bơsram, lơh sơnơm… Đơs mờ cau lơh [ăo tơnơ\ mờ pơrjum, ồng Phạm Bình Minh neh đơs tòm tàm broă lơh bal mờ lơgar ndai lơgar Việt Nam dê tơnơ\ mờ pơrjum dờng Đảng dà lơgar kơnă 12 pa do, lơgar Nhờk pơn jăt tai là lơgar geh broă lơh bal kuơ màng lài ngan mờ jo\ jòng; ưn ngài broă Gơnoar atbồ lơgar Nhờk neh dong kờl 2 tơmàn 500 tơlăk đôlar Mỹ priă càn ODA tàm nam priă jền 2015 mờ dan lơgar Nhờk pơn jăt tai dong kờl priă ODA tàm khà uă rơlao lơgar Việt Nam in tàm tơngai tus. Ồng Phạm Bình Minh tơl^k nùs nhơm pin dờn là, cồng nha dơ\ pơrjum Anih duh broă broă lơh bal dơ\ do geh pơgồp bal mùl màl tàm broă tơnguh rơlao tai broă lơh bal pa bơh lơgar Việt Nam mờ lơgar Nhờk tàm tơngai tus.

Cau cih mờ yal tơng^t Ndong Brawl