VOV4.K’ho - Di tơnkah 50 nam tam lơh jai pha gùng, đah jum lơgar Lào nam 1971, drim òr (19/03), Bộ Quốc phòng đơng lam, pơgồp bal mờ Tỉnh ủy Quảng Trị bơyai lơh pơrjum cri bơyai khoa học mờ tơngu me “Jai pha tam lơh gùng 9, đah jum lơgar Lào nam 1971-Bơta kuơ rài lài do mờ tŭ do”.

Geh rơlao 80 jơnau yal, jơnau đơs tàm pơrjum do neh đơs tơl ală bơta, jăk chài ală broă lơh mờng chài, jơnau bơsram rài lài do geh bơta kuơ lý luận mờ mùl màl bè broă đơng lam, lam sồr bơh Đảng Dà lơgar, Bộ Chính trị, Quân ủy Dà lơgar mờ Bộ Quốc phòng neh lơh gơs jai pha gùng 9 đah jum lơgar Lào nam 1971.

Đơs tàm pơrjum, Thượng tướng Nguyễn Tân Cương, Ủy viên Quân ủy dà lơgar, Thứ trưởng Bộ Quốc phòng đơs tờm: Cồng nha bơh dơ̆ pơrjum cri bơyai geh pơgồp bal tàm broă lơh geh cồng nha broă bơ̆t bơtàu dà lơgar, bơ̆t bơtàu mờ sền gàr kơl jăp Dà lơgar Việt Nam xã hội chủ nghĩa tàm bơta pa.

Cau mblàng Ndong Brawl