VOV4.K’ho - Drim òr (23/12), anih tờm bơtàu tơngguh mpồl bơtìan (CDC) bơyai lơh pơrjum cri tơr`a  sền wơl broa\ lơh “Bơtàu tơngguh bơta  geh git jơnau yal tơnggit mờ geh gùng drà ka\ bro tus hìu nha\,  mpồl hìu nha\ tam ca cao”.

            Broa\ lơh bơh mpồl Oxfam dunia dong kờl,  geh mut lơh tàm ala\ càr Daklak, Dak Nông mờ Lâm Đồng. Bơh 6 nhai mut lơh CDC neh bơyai lơh geh 10 pang jơnau yal tơnggit ntrờn làm tiah,  mờ mờr 600 cau tam ca cao geh tus bal, 5 ơdu\ bơto bơtê bè bơta chài GAP, ala\ khà niam kơljap tàm Tây Nguyên ai tus rlau 200 cau lơh broa\ sa. Bal mờ hơ\,  broa\ lơh  gam mut lơh yal khà pria\ pah ngai  pơyua tàm  điện thoại attê, lơwa tàm ala\ tiah ai tus 1 rbô na\ cau lơh broa\ sa,  mblàng 10 rbô pang sra\ yal bè jơnau  tơnggit bơta chài tam  sơng ka ca cao ala\ dà kòn cau M’nông, Rơđê, K’ho…, broa\ lơh kung lơh geh 10 pang jơnau yal tơnggit ca cao geh ơn tàm ala\ tiah tam ua\ ca cao.

                             Cau cih mờ yal tơnggit K’ Brọp