VOV4.K’ho – Ngai òr, 31/10, mpồl tam klac ală mpồl lơh sa kă bro càr Daknông bơyai lơh pơrjum Mpồl đơng lam dơ\ 14 rề ơnàng, cribơyai bè broă rơcang tus pơrjum mpồl tam klac ală mpồl lơh sa kă bro càr dơ\ 2, tơngai lơh broă bơh nam 2016 tus nam 2021. Tàm pơrjum, ồng Trần Xuân Hải, Kuang jat jơng atbồ Anih duh broă làng bol càr Daknông đơs tờm, kờ` pơrjum mpồl dê geh bơyai lơh geh cồng nha, kung bè brồ guh niam gơnoar he dê, bơdìh broă rơcang tơl niam bè cau lơh broă, ală mpồl kung pal đal git mùl màl ală broă pal lơh, broă mut lơh mờ tam pà kơnòl broă ngan ngồn tus mờ tơl nă cau. Mpồl tam klac ală mpồl lơh sa kă bro pal tam gơl gơs broă lơh mpồl bơtiàn, mhar tơn jơh bơta lơh broă ndrờm bè ală anih lơh broă dà lơgar. Mờ ală jơnau dan bơh mpồl lơh sa kă bro dê tus mờ càr, mpồl pal tơr gùm, ai tơlik tơngume loh làng, ngan ngồn nàng càr geh rơndap broă bơsong di tu\, lòt bal mờ mpồl lơh sa kă bro.