VOV4.K’ho- Pơrjum cribơyai dơ̆ 2 bơh Đoàn Chủ tịchh Ủy ban Mặt trận dà lơgar Việt Nam bơyai lơh drim ngai 18/3 neh ring bal mat ing 205 nă cau bơh ală anih lơh broă dà lơgar tơlik mat tĕ khà kuang bàng Quốc hội khóa 15. Broă yal tơnggit cau tơlik mat tĕ khà kuang bàng Quốc hội khoá 15 geh lơh tàm tơngai lơyah, bơh ngai 24/2 tus ngai 14/3 pa do.

Mờ nùs nhơm jơh nùs, làng bol lơh tờm, ală anih lơh broă, mpồl lơh broă tàm lơgar neh bơyai lơh di, tơl ală bơnah broă yal tơnggit cau tơlik mat tĕ khà kuang bàng Quốc hội khóa 15. Geh 205 tàm khà 205 nă cau geh yal tơnggit tơlik mat tĕ khà kuang bàng Quốc hội khóa 15 ndrờm geh 100% cau tĕ khà pin dờn yal tơnggit.

Bơh mat 205 nă cau bơh ală anih lơh broă, mpồl lơh broă tàm dà lơgar yal tơnggit tơlik mat tĕ khà kuang bàng Quốc hội khóa 15, kuang bàng tus bal pơrjum neh geh ală jơnau đơs song dơpă kờñ sền sơ wì bè tơl khà kuang bàng Quốc hội. Tàm pơrjum cribơyai, 100% Ủy viên Đoàn Chủ tịch Ủy ban Mặt trận dà lơgar Việt Nam geh mat neh pờ tê ring bal mat ing 205 nă cau bơh ală anih lơh broă dà lơgar yal tơnggit tơlik mat tĕ khà kuang bàng Quốc hội khóa 15.

Cau mblàng K’Duẩn