VOV4.K’ho- Drim ngai 13/01, tàm Dak Lak, Hội đồng Dan tộc- Ủy ban Văn hóa, bơto bơtê ơruh pơnu, kơ nòm pa tàu mờ kơ nòm dềt bơh Quốc hội dê neh bơyai lơh Pơrjum lam lơh jat broă  bơtàu tơnguh lơh sa- mpồl bơtìan, sền gàr đòm jat niam bơta niam chài bơh yau tiah làng bol kòn cau mờ tiah kơh bơ nơm tàm ù tiah ală càr tiah Tây Nguyên mờ tiah jat gah dà lềng tiah tàm gùl lơgar jat Nghị quyết sồ 88 nam 2019 bơh Quốc hội dê.

                                               Dak Lak bơyai lơh pơrjum cribơyai jơi bơtìan kòn cau

Tàm dơ\ pơrjum cribơyai, ală cau ala mat đơs là, Nghị quyết sồ 88 lơh geh bơta tơnguh kuơ màng tàm broă bơtàu tơnguh tiah làng bol kòn cau mờ tiah kơh bơ nơm. Tàm hơ\ geh làng bol kòn cau Tây Nguyên mờ tiah jat gah dà lềng tiah tàm gùl lơgar, tiah geh ù tiah kuơ màng mờ sền gàr bơta lơngap ngai, sền gàr dà lơgar, tiah nhàr lơgar bơh dà lơgar dê.

Jat ồng Đỗ Văn Chiến, Uỷ viên Ban Chấp hành Đảng dà lơgar, Bộ Trưởng, Chủ nhiệm Uỷ Ban Dân tộc  đơs, Nghị quyết sồ 88 nam 2019 bơh Quốc hội dê bè bơtàu tơnguh lơh sa- mpồl bơtìan tiah làng bol kòn cau  mờ tiah kơh bơ nơm tơngai bơh nam 2021 tus nam 2030 là bơ nàng jă nàng dà lơgar in sơ lơ tơnguh broă lơh dong kờl mờ bơcri lơh, ai tơl bơta ai làng bol ală jơi bơtìan kòn cau Tây Nguyên mờ tiah jat kềng gah dà lềng tàm gùl lơgar lơh jat niam bơta [ươn, bơta pràn, lơh jat niam bơta pràn brồ guh bơtàu tơnguh bal mờ dà lơgar.

Cau mblàng K’ Hạnh