VOV4.K’ho – Drim òr, 20/4, tàm Hà Nội geh bơyai lơh pơrjum “ Sơlơ tơnguh git gơp lơh broă bal châu Á – châu Âu tơl làm tàm rài 21” bơh Gah cribơyai broă mờ lơgar ndai dà lơgar bơyai lơh. Do là jơnau gơ ơm tàm ròt broă lơh tơngkah 20 nam tam klac tàm tơngume cribơyai tam klac lơh sa châu Á – châu Âu ( ASEM) mờ lơgar Việt Nam là dùl tàm ală lơgar geh jơng crơng gơs, mơkung kờ` rơcang tus pơrjum ală kuang đơng lam bồ ASEM dơ\ 11 geh bơyai lơh tàm Mông Cổ tàm nhai 7 tus do. Đơs mut pơrjum, ồng Phạm Bình Minh, kuang jat jơng gơs gơnap gơnoar atbồ hơđang rlau jơh dà lơgar, kuang atbồ gah cribơyai broă mờ lơgar ndai dà lơgar đơs tờm, ASEM là 1 tàm khà êt ngan ală cribơyai 2 tiah geh crơng gơs tơnơ\ tơngai tàm gơjra` mờ gam ngai sơlơ gơs là bơta kuơ màng pơgồp bơnah đal git ală bơta gơlik geh dunia dê tàm rài 21. Lơh sa dunia gam tam gơl kuơ màng bal mờ uă broă lơh sa pa, broă mut gơrờm bal gùt plai ù mờ công nghệ thong tin bơtàu tơnguh mhar lơh gơguh uă bơta tàm gơwèt bal mờ gơp, sồr ală lơgar pal sơlơ tam klac nàng rơndap tap sèng wơl lơh sa, rề ơnàng ù tiah bơtàu tơnguh mờ lơh gơs tai bơta pràn tàm tơngai pa. Tàm bơta bè hơ\, ASEM gam là bơta [uơn ờ hềt tu\ lơi geh nàng chul chồl tam klac ală tiah.

                                   Cau cih mờ yal tơngit K’ Duẩn.