VOV4.K’ho – Drim òr, 27/6, tàm Hà Nội, Ban lơh sa dà lơgar bơyai lơh pơrjum cribơyai lơh sa Việt Nam 2017, mờ bơta dong kờl bơh Chính phủ Australia, ringbal rơndap broă dong kờl rơndap sap sèng wơl lơh sa, tơnguh pràn jak tàm pơr lòng. Bơh nam 2008, Việt Nam neh sơr lèt rlau khà GDP kờp bal tàm 1 nă cau 1 rbô đôlar Mỹ mờ sơn đờm mut tàm khà lơgar geh priă lơh geh dimơ (gam geh hòi là priă lơh geh dùl êt).

Do là khà kuơ màng mờ ai geh uă bơta [uơn bơtàu tơnguh lơh sa lơgar Việt Nam in. Bulah bè hơ\, bơdìh mờ ală cồng nha lơh geh, song dơpă sền sơwì broă lơh mờ cồng nha gơguh lơh sa lơgar Việt Nam dê tu\ do, jat ală cau jak chài, rơndap sap sèng lơh sa Việt Nam geh tam gơl mơya ờ hềt loh làng. Việt Nam kờ` pơnjat tai gơs lơgar geh priă lơh geh uă rlau den kờ` pal geh bơta tam gơl pa tàm broă lơh.