VOV4.K’ho- Pơrjum Cribơyai lùp lăp Kuang bàng dờng màng ASEAN mờ Lo  (ACSOC) dơ\ 26 geh bơyai lơh tàm ngai 1/7 jat broă lơh pờ tơn tàm internet. Pơrjum gơ ơm tàm ală dơ\ cribơyai pah nam kấp Kuang bàng dờng màng (SOM) đah ASEAN mờ ală lơgar lơh broă bal, rcang ai dơ\ Pơrjum Bộ trưởng Ngoại giao ASEAN mờ ală lơgar lơh broă bal geh bơyai lơh tàm lồi nam 2020.

Tàm dơ\ pơrjum, Kuang atbồ mpồl kuang bàng lơgar Lo, đơs niam ngan bơta pràn rcang sơn dră rơcang lài, lơh ngan bơh mpồl ASEAN dê tềng đap ală bơta lòng bơh bơta gơlik geh kòp Covid-19 dê. Ala mat lơgar Lo kung jờng rơ ală bơta bơtàu tơnguh niam ngan tàm broă lơh broă bal đah 2 gah dê, kă bro 2 gah đah ală lơgar mpồl ASEAN mờ Lo kung gam gơguh niam ơm tàm khà 4,2% tàm ală nhai bồ nam do.

Bè đah he,  ală lơgar mpồl ASEAN đơs nền Lo sùm là 1 tàm ală lơgar lơh broă bal lam lài bơh ASEAN dê, là lơgar lơh broă bal kă bro dờng ngan rlau jơh bơh ASEAN dê. ASEAN mờ Lo tơngo\ nùs nhơm uă ngan gờ` lơh gơs broă ki\ hơ Hiệp định lơh broă bal lơh sa tơl làm tiah do (RCEP) tàm nam do, mơkung lam lơh geh cồng nha Nghị định thư tơnguh khà Hiệp định kă bro khat gơ boh ASEAN mờ Lo (ACFTA).

Cau mblàng K’Hạnh