VOV4.K’ho- Mho ngai 21/12, ồng Nguyễn Xuân Phúc Thủ tướng Chính phủ mờ ồng Narendra Modi Thủ tướng lơgar Ấn Độ neh đơng lam bal Pơrjum cribơyai kấp kuang bàng dờng màng pờ tơlik tơn tàm internet đah Việt Nam mờ Ấn Độ. Tàm dơ\ pơrjum cribơyai, ồng Nguyễn Xuân Phúc jờng rơ ngan bơta bơtàu tơnguh pràn kơldang kơ\ kơl jăp bơh bơta gi\t gơ\p đah Việt Nam mờ Ấn Độ tàm tơngai do, kuơmàng bơh tu\ tơnguh kơnă tus Lơh broă bal jo\ jòng tơl làm nam 2016.

Thủ tướng Ấn Độ ồng Narendra Modi chờ hờp Việt Nam gròi sền niam kòp dờng Covid-19, gàr sùm bơtàu tơnguh lơh sa- mpồl bơtiàn, dờp lơh kơnòl broă geh cồng nha gơnoar broă Kuang ătbồ ASEAN nam 2020 mờ Ủy viên ờ duh broă sùm tàm Hội đồng Bảo an Liên hợp quốc tơngai lơh broă bơh nam 2020- 2021; đơs nền, Việt Nam lơh gơnoar broă kuơmàng khà dùl tàm gùng dà broă lơh “Lơh broă wèt tus tiah đah măt tơngai lik” bơh lơgar Ấn Độ dê.

Bàr nă Thủ tướng đơs nền, dơ\ Pơrjum cribơyai pờ tơlik tơn tàm internet dơ\ do tơngo\ bơta lơh ngan jơh nùs bơh 2 gah dê sơrlèt gan bơta lòng bơh kòp dờng dê, pơn jăt tai ai bơta gi\t gơ\p đah Việt Nam mờ Ấn Độ gơ lòt mu\t jrô tàm bơnàng jă gi\t gơ\p lơh bơyô bal ờs mờng bơh yau, ală bơta tam klăc bal bè rài kah yau, niam chài mờ jăt yàng, bơta gi\t wa\ mờ pin dờn bal mờ gơ\p kung bè bơta sền sơnơng mờ bơta kuơ ndrờm bal đah 2 lơgar gơ wèt mờ ală broă tàm tiah do mờ tàm dunia.

Cau mblàng Lơ Mu K’Yến