VOV4.K’ho – Mờ tơngume “Bơt bơtàu Đảng bộ pràn kơldang, kơ\ kơljap tơl làm, bơtàu tơnguh Tập đoàn nhơm zờu dà lơgar Việt Nam at gơ noar broă tờm ngan lam lơh geh cồng nha gùng dà bơtàu tơnguh gah nhơm zờu Việt Nam”, pơrjum cau ala mat Đảng bộ Tập đoàn nhơm zờu Việt Nam dơ\ 3, tơngai lơh broă bơh nam 2020 tus nam 2025 neh geh lơh tàm Hà Nội.

Tus bal mờ đơs tàm pơrjum, Ủy viên rơcang lài Ban Chấp hành Đảng dà lơgar, Bí thư Đảng ủy khối mpồl lơh sa dà lơgar, ồng Y Thanh Hà Niê Kđăm kơp kờ` ală kấp ủy đảng, ală kuang bàng, đảng viên, cau lơh broă bơh Tập đoàn dê pal tơnguh nùs nhơm lơh ngan chính trị, lơh ngan rlau tai tàm broă lơh nàng kờ` lam lơh niam broă bơt bơtàu Đảng mờ ngai sơlơ tơnguh cồng nha tàm broă lơh sa, kă bro.

Nàng lơh geh cồng nha ală jơnau kờ`, kơnòl broă tàm tơngai lơh broă tus, pơrjum neh pồ Ban Chấp hành Đảng bộ Tập đoàn khóa 3, tơngai lơh broă bơh nam 2020 tus nam 2025 geh 39 nă kuang bàng, Ban Chấp hành neh pồ Ban Thường vụ geh 13 nă kuang bàng, ồng Trần Sỹ Thanh, Ủy viên Ban Chấp hành Đảng dà lơgar, Phó Kuang atbồ Ban Kinh tế dà lơgar, Chủ tịch Hội đồng thành viên Tập đoàn pơn jat tai geh pồ lơh Bí thư Đảng ủy Tập đoàn.

Cau mblàng K’Duẩn