VOV4.K’ho – Mho ngai 14/7, Ủy ban Thường vụ Quốc hội tơn jơh pơrjum dơ\ 46. Lài mờ tu\ tơn jơh, Ủy ban Thường vụ Quốc hội sền sơwì, ring bal jơnau rơcang cih Nghị quyết bơh Ủy ban Thường vụ Quốc hội dê bè khà pria\ dia sền gàr tiah ơm kis gơ wèt mờ xăng zờu rơndeh par. {ùi drim, ală kuang bàng neh ai jơnau đơs bơh sơn rờp bè broă rơcang tus pơrjum dơ\ 10 Quốc hội dê.

Jat hơ\, tàm pơrjum dơ\ 10, pơn jat tai geh lơh gơs 2 dơ\, pơgồp bal đah pơrjum pờ tơlik tơn tàm internet mờ pơrjum tơr gùm bal. Kờp du\ tu\ tơngai lơh broă bơh pơrjum dơ\ 10 Quốc hội dê là 18 ngai. Tàm hơ\, dơ\ 1 lơh pơrjum pờ tơlik tơn tàm internet 9 ngai, sơn đờm bơh ngai 19/10; dơ\ 2 lơh pơrjum tơr gùm bal 9 ngai, sơn đờm bơh ngai 3/11 mờ tơn jơh tàm ngai 12/11. Tài bơta tam cah ngài bơh tu\ cribơyai tus tu\ ring bal ală jơnau rơcang cih Nghị quyết bè broă rơndap lơh bơtàu tơnguh lơh sa – mpồl bơtìan, kes pria\ dà lơgar lơyah ir, Ủy ban Thường vụ Quốc hội sồr ală anih lơh broă geh gơ rềng rơcang lài ală jơnau rơcang cih Nghị quyết mờ mhar pơyua tus kuang bàng Quốc hội in nàng kơ lôi sơ nơng tàm tu\ cribơyai tàm mpồl, hìu pơrjum, gàr niam di tu\ lơh gơs yal Quốc hội in pờ tê ring bal.

Cau mblàng K’Duẩn