VOV4.K’ho – Drim òr, 03/1, tàm Cần Thơ geh bơyai lơh pơrjum dơ\ 11 mpồl Chủ tịch Ủy ban mặt trận dà lơgar Việt Nam kơnă 8. Tàm pơrjum, Chủ tịch Ủy ban mặt trận dà lơgar Việt Nam Nguyễn Thiện Nhân đơs tờm, tàm nam 2016, dà lơgar geh geh bơyai lơh uă jơnau chính trị kuơ màng. Kuơ màng là pơrjum cau ala mat gùt lơgar dơ\ 12 Đảng dê mờ te\ khà kuang bàng Quốc hội kơnă 14 mờ kuang bàng Hội đồng nhân dân ală kơnă, tơngai lơh broă bơh nam 2016 tus nam 2021 bơyai lơh geh cồng nha niam, tàm hơ\ geh bơngă tă pơ gồp kuơ màng bơh Ủy ban mặt trận dà lơgar ală kơnă, ală mpồl geh jơng bơh mặt trận mờ mpồl Chủ tịch Ủy ban mặt trận dà lơgar Việt Nam. Tàm nam lài, mờ bơta lơh ngan bơh gùt Đảng, gùt ling klàng, gùt làng bol tàm tu\ lơh sa mpồl bơtiàn dà lơgar dê gam uă kal ke, ală bơta tàm dunia gam gơlik geh uă kal ke mơya dà lơgar neh lơh geh ală cồng nha pal geh sền gròi ngan.