VOV4.K’ho – Tơnơ\ mờ tu\ Gơnoar ala mat dà lơgar pơrjum tơn jơh, cơldu\ lơh broă Gơnoar ala mat dà lơgar neh bơyai lơh pơrjum [au\ yal cồng nha pơrjum dơ\ 2, Gơnoar ala mat dà lơgar kơnă 14. Tàm pơrjum do, Gơnoar ala mat dà lơgar neh ringbal 3 adat boh lam, 11 kơrnuat mờ ai jơnau đơs 14 rơndap adat ndai. Mìng is gơ wèt mờ rơndap adat bè mpồl mờ adat tam gơl, bơtơl ờ uă bơta bơh adat lơh glài kup màng nam 2015, tài gam uă jơnau đơs krơi is, Gơnoar ala mat dà lơgar neh ringbal đơng lam ală anih lơh broă geh gơ rềng pơnjat tai kờp sền, kơlôi sơnơng cih dờp nàng bơsong, lơh sir rơndap cih adat, tong Gơnoar ala mat dà lơgar in sền sơ wì, ringbal tàm pơrjum dơ\ 3, tàm nhai 5 nam 2017. Gơnoar ala mat dà lơgar neh ringbal jơnau sồr bơh Gơnoar atbồ lơgar dê bè broă ơm ờ mut lơh rơndap broă lơh đèng hạt nhân Ninh Thuận. Tàm kơrnuat bè lùp mờ hơ jơnau lùp, Gơnoar ala mat dà lơgar neh đơs lah krà` ngan ală broă lơh tìs bơh ồng Vũ Huy Hoàng, Kuang atbồ Gah kă bro mờ lơh sa mờ mai\ mok dà lơgar lài do, jàu Anih duh broă sùm Gơnoar ala mat dà lơgar, Gơnoar atbồ lơgar sền sơ wì jơnau cih bơh kơrnuat boh lam dê, lơh glài ală broă lơh tìs bơh ồng Vũ Huy Hoàng dê.

Gơnoar ala mat dà lơgar pơrjum [au\

Iat sền pơrjum dơ\ 2, Gơnoar ala mat dà lơgar kơnă XIV, cau te\ khà ală càr tàm Tây Nguyên đơs dơ\ pơrjum do geh uă bơta tam gơl pa, ngan là tàm dơ\ lùp mờ hơ jơnau lùp. Cau te\ khà Phan Hồ Giang, Kuang jat jơng atbồ Mpồl ơruh pơnu càr Gialai, đơs:

“Pal đơs ngan là pơrjum Gơnoar ala mat dà lơgar dơ\ do là lơh tờm ngan, geh kơnòl mờ song dơ pă. Kuơmàng là bơta pa tàm dơ\ lùp bơh Gơnoar ala mat dà lơgar dê, broă hơ jơnau lùp tơn, yờ k[àng nàng lùp wơl là jơh nùs ngan mờ geh kơnòl, tơngo\ geh gơnoar broă bơh kuang bàng Gơnoar ala mat dà lơgar dê, kung bè kơnòl hơ jơnau lùp bơh ală kuang bàng tàm Gơnoar atbồ lơgar dê. A` kơ\p kờn là Gơnoar ala mat dà lơgar pơn jat tai lơh niam gơnoar broă gròi sền dờng ngan rlau jơh bơh he dê gơ wèt tus mờ ală broă lơh bơh Gơnoar atbồ lơgar dê, ală jơnau hơ bơh ală kuang bàng tàm Gơnoar atbồ lơgar dê kung bè bơh Kuang gơs gơnăp gơnoar atbồ hơđang rlau jơh dà lơgar dê tàm broă lơh tam gơl pa ală bơta. Lơh bè lơi lơh jat di nùs nhơm mờ Kuang gơs gơnăp gơnoar atbồ hơđang rlau jơh dà lơgar neh sồr lơh là Gơnoar atbồ lơgar bơceh pa bơ\t bơtàu, song dơ pă mờ lơh broă”.

Ai cau te\ khà Kpă Tơ, kis tàm sơnah [òn Duy Tân, [òn dờng Kontum, càr Kontum, đơs bè do:

“Dơ\ pơrjum do, Gơnoar ala mat dà lơgar neh geh uă tam gơl pa bơh broă lơh rơcang lài tus ală broă lơh bơh dơ\ pơrjum dê. Tơngume den là uă ngan mơya ndrờm tơnggo\ là broă dờng màng, broă tờm ngan mờ loh làng ngan. Dơ\ bàr là tam gơl pa tàm gùng dà bơsong broă lơh kung bè đơng lam bơh Kuang atbồ Gơnoar ala mat dà lơgar dê. Bơta lơh a` in di nùs ngan rlau jơh hơ\ là ală dơ\ lùp. Jơnau lùp bơh ală kuang bàng Gơnoar ala mat dà lơgar dê đơs loh ală bơta gam geh bơh jo\ gơ jo\ jòng lơh aniai tus bơta đơng lam bơh Gơnoar atbồ lơgar mờ bơta bơtàu tơnguh lơh sa, mpồl bơtiàn, lơngăp lơngai rơndăp tăp sèng ờdo ờdă bơh dà lơgar dê. Ală Kuang atbồ gah lơh broă dà lơgar ndrờm hơ di ngan tàm jơnau lùp, loh làng ngan, jơh nùs mờ geh kơnòl mờ ờ go\ tàm pơn dơ\p tàm mpồn”.

       Cau cih mờ yal tơnggit K’Duẩn, Lơmu K’Yến