VOV4.K’ho - Mho òr (15/12), pơrjum dơ\ 3, Hội đồng Nhân dân càr Dak Nông kơnă 3 neh tơn jơh. Chủ tịch Uỷ ban Nhân dân càr Dak Nông neh iăt, mblàng lơh loh ală broă neh geh đơs tàm ală dơ\ cri bơyai mờ lùp hơ jơnau lùp bè broă tơnguh gơnoar mờ kơnòl tàm broă sền gàr brê; tơnguh bơtàu broă lơh sa suơn sre ngui broă lơh sa pa; lơh niam wơl broă lơh phan geh is tàm ù ờ di pal; tơnguh bơtàu anih lơh sa kă bro pơgồp bal mờ broă tơmù broă lơh ờ ndrờm bal tàm broă sền gròi bơh ală anih lơh broă geh gơnoar; lơh glài nền nòn ală cau kă bro phan ờ ngan, phan ờ niam; tơmù ală broă gam ờ pràn tu\ do tàm gah lơh sơnơm; lơh niam wơl broă sơgràm tă priă tàm broă bơto bơtê mờ bơsram mờ tơmù broă geh tiah jơnkah, geh tiah ờ tơl cau pơgru. Tơnơ\ mờ tu\ ring bal ờ uă broă gam geh jơnau đơs ờ ndrờm bal, mờ broă ring bal uă, pơrjum neh pờ tê ring bal 19 Nghị quyết. pal kah ngan là ală Nghị quyết bè: lùp mờ hơ jơnau lùp tàm pơrjum dơ\ 3; rơndăp broă tơnguh bơtàu lơh sa mpồl bơtiàn nam 2017; Tơl^k kơrnoăt bè lam sồr, dong kờl bơcri priă tàm càr Dak Nông tus nam 2020; Tơlăk kơrnoăt khà tă, sền gàr, ngui ală bơta priă mờ priă pal tă tàm càr; tơl^k kơrnoăt tơnguh bơtàu cau lơh broă tàm ròt chính trị càr; broă tơmù rơ[ah kơl jăp càr Dak Nông tơngai bơh nam 2016 tus 2020…

     Cau cih mờ yal tơng^t Ndong Brawl