VOV4.K’ho– Ủy ban sền sơwì Tỉnh ủy Lâm Đồng khóa 10, tơngai lơh broă bơh nam 2015 neh tus nam 2020 neh bơyai lơh pơrjum dơ\ 36. Tàm dơ\ pơrjum do, Ủy ban sền sơwì Tỉnh ủy neh sền sơwì, đơs pơn dut 2, 3 tơngume kuơmàng bè: Sền sơwì, ring bal cồng nha 2, 3 dơ\ sền gròi ờs mờng.

Tơnơ\ tu\ sền sơwì cồng nha sền gròi gơwèt tus mờ Đảng ủy mờ ală kuang đơng lam bồ Đảng ủy Sở Nông nghiệp mờ Phát triển Nông thôn; Đảng ủy mờ ală kuang đơng lam bồ Đảng ủy brê dà lơgar Bidoup Núi Bà bè bơta đơng lam, pơlam lơh jat Jơnau sồr sồ 30 bơh Ban Thường vụ Tỉnh ủy dê bè sơlơ tơnguh bơta đơng lam bồ bơh Đảng dê tàm broă atbồ, sền gàr mờ bơtàu tơnguh brê, sền gàr chi brê.

Đơs pơn dut pơrjum, Ủy ban sền sơwì Tỉnh ủy pà git, do là dơ\ pơrjum dut ndơl bơh Ủy ban sền sơ wì dê tơngai lơh broă do, bơh hơ\ neh cih dờp, jờng rơ ală tă pơgồp geh kơ nòl bơh ală kuang geh jơng Ủy ban sền sơ wì Tỉnh ủy dê neh tă pơgồp kuơmàng ngan tàm broă lam lơh geh cồng nha ală kơnòl chính trị bơh Đảng bộ càr dê, tơngai lơh broă bơh nam 2015 tus nam 2020.

Cau mblàng K’Duẩn