VOV4.K’ho - Drim òr (27/12), pơrjum dơ\ 38 tam klăc bal Anih duh broă Gơnoar atbồ lơgar bè broă lơh bal niam bơne\ bơh lơgar Việt Nam mờ lơgar Lào, bơh lơgar Lào mờ lơgar Việt Nam neh bơyai lơh tàm càr lơgar Vientiane, lơgar Lào.

Tàm pơrjum dơ\ do, 2 gah neh ring bal gùng dà mờ kơnòl broă lơh bal tơngai bơh nam 2016 tus 2020. Jăt mờ hơ\, 2 gah ring bal tơnguh broă lơh jăk niam ală jơnau ring bal neh geh k^, tàm hơ\ uă ngan là ală jơnau ring bal bơh kuang bàng dờng màng 2 lơgar dê; geh sùm mờ tơnguh broă tam gơl mpồl kuang bàng mờ tìp bal bơh kuang bàng đơng lam dờng màng 2 lơgar; sền gròi broă lơh gùng nhàr dà lơgar bơh lơgar Việt Nam mờ lơgar Lào ring niam mờ tơnguh bơtàu tơl ală bơta; Bè broă lơh sa bal, 2 gah tơl^k geh ai tơl bơta niam rơlao tai tus mờ ală anih lơh sa kă bro 2 lơgar in; sùm sền gròi, sền wơl ală rơndăp broă bơcri priă geh ală broă lơh mùl màl kờ` dong kờl mờ bơsong ală kal ke ală anih lơh sa kă bro 2 lơgar in; pơgồp bal lơh geh cồng nha kơrnoăt hơ bal kă bro bơh lơgar Việt Nam mờ lơgar Lào bal mờ kơrnoăt hơ bal kă bro tiah nhàr dà lơgar bơh lơgar Việt Nam mờ lơgar Lào… Tơnjơh pơrjum, 2 gah neh k^ kơrnoăt hơ bal lơh broă bal bơh lơgar Việt Nam mờ lơgar Lào tơngai bơh nam 2016 tus 2020 mờ uă jơnau ring bal lơh broă bal tàm uă gah ndai.

        Cau cih mờ yal tơng^t Ndong Brawl