VOV4.K’ho - Tơnơ\ mờ mờr 6 ngai lơh broă mhar, dơ\ 1 bơh ngai 3 tus ngai 6 nhai 10; dơ\ 2 bơh ngai 17 tus ngai 18 nhai 10, pơrjum dơ\ 4, Anih duh broă sùm Gơnoar ala măt dà lơgar kơnă 14 neh tơn jơh.

Tàm pơrjum, Anih duh broă sùm Gơnoar ala măt dà lơgar neh ai jơnau đơs bè broă rơcang pơrjum dơ\ 2, Gơnoar ala măt dà lơgar kơnă 14; ală rơndăp broă adăt mờ ờ uă jơnau yal kờ` yal mờ Gơnoar ala măt dà lơgar; ai jơnau pơgồp bal bè ală jơnau yal bơh Gơnoar atbồ lơgar bè broă lơh jăt rơndăp broă tơnguh bơtàu lơh sa-mpồl bơtiàn mờ kes priă Dà lơgar; mờ sền wơl kơrnoăt ờ uă broă kuơ màng ndai. Đơs tàm dơ\ tơn jơh pơrjum, mò Nguyễn Thị Kim Ngân, kuang atbồ Gơnoar ala măt dà lơgar neh sồr Gơnoar atbồ lơgar, Anih duh broă lơh sa, Anih duh broă priă jền mờ Kes priă, Anih duh broă sền gàr bơta lơngăp lơngai dà lơgar, ală anih lơh broă geh gơnoar kơlôi sơnơng, iăt ală jơnau đơs bơh Anih duh broă sùm Gơnoar ala măt dà lơgar, mhar lơh gơs ală jơnau yal, ală rơndăp broă adăt mờ sră nggal gơrềng tus kờ` pơyoa tus ală kuang bàng tàm Gơnoar ala măt dà lơgar di tu\ drơng tus pơrjum dơ\ 2, Gơnoar ala măt dà lơgar kơnă 14.

   Cau cih mờ yal tơng^t Ndong Brawl