VOV4.K’ho – Pơrjum dơ\ 4 Ủy ban lơh broă bal Việt Nam mờ Nhờk bè lơh broă bal kă bro – công nghiệp – năng lượng geh lơh pờ tơlik tơn tàm internet tàm mho ngai 7/8 tềng đap bơta đơng lam bal bơh Bộ trưởng Công thương Việt Nam, ồng Trần Tuấn Anh mờ Bộ trưởng Kinh tế Thương mại mờ Công nghiệp lơgar Nhờk, ồng Kajiyama Hiroshi.

2 nă Bộ trưởng ring bal là, lơh broă bal kă bro, công nghiệp mờ năng lượng đah 2 lơgar tàm tơngai tus bal lơh jat ală jơnau kờ` bơh Jơnau yal bơr bal bơh ală Bộ trưởng Kinh tế ASEAN mờ lơgar Nhờk dê bè jơnau bơceh lơh bơtàu tơnguh wơl lơh sa sơndră mờ kòp Covid-19 mờ broă rơndap lơh bơtàu tơnguh wơl lơh sa mpồl ASEAN mờ Nhờk.

Đơs tàm pơrjum, Bộ trưởng Công thương Việt Nam, ồng Trần Tuấn Anh đơs niam tă pơ gồp bơh ală cau bơcri pria\ lơgar Nhờk dê tàm broă chồl pràn, tơnguh pràn jak lơh sa, pơ gồp bơnah lam Việt Nam tus bal tàm ròt mpồl tac phan bơh ală mpồl lơh sa kă bro lơgar Nhờk mờ gùt plai ù dê tàm ală nam do.

Cau mblàng K’Duẩn