VOV4.K’ho – Ngai òr 30/3, Gah phan geh is mờ tiah ơm kis dà lơgar pơgồp bal mờ gah phan bơna mờ tiah ơm kis lơgar Hà Lan bơyai lơh pơrjum dơ\ 5 Anih duh broă Gơnoar atbồ lơgar Việt Nam mờ Hà Lan bè gơ rờm bal mờ tam gơl trồ tiah mờ sền gàr dà.

Tàm dơ\ pơrjum, ồng Nguyễn Minh Quang kuang atbồ Gah phan geh is mờ tiah ơm kis dà lơgar he đơs tờm, Việt Nam bal mờ Hà Lan ndrờm ơm tềng đap bơta lòng dờng ngan bơh kòn bơnus dunia dê, hơ\ là tam gơl trồ tiah mờ dà lềng gơguh tih. Gơnoar atbồ lơgar Việt Nam đal git, rơcang sơndră mờ tam gơl trồ tiah mờ dà lềng gơguh tih là bơta kis jo\ bơh dà lơgar dê. Ồng Nguyễn Minh Quang đơs tờm: “ Tàm tơngai tus, broă mut lơh jat jơnau ringbal tam klac geh pơnjat tai chồl pràn bè cồng nha lơh geh mờ rề ơnàng tai ală broă rơndap lơh tam klac pa. 2 gah geh sơlơ tìp mat, cribơyai nàng jòi geh ală tơngume tam klac pa jat bơta pràn bơh Việt Nam dê mờ ală bơta pràn bơh lơgar Hàn Lan dê tàm ală gah bè sền gàr dà, rơndap ù tiah mờ bơtàu tơnguh ròt anih ơhò ơm tàm dà lềng, lơh sa suơn sre geh bơta niam uă, sền sơ wì mờ bơsong ală bơta aniai bơh tam gơl trồ tiah dê tus mờ tiah drà. Bơh jơnau ringbal mờ tơngume pơrjum do dê, Việt Nam geh pơnjat tai chul chồl mut lơh ală broă lơh, rơndap broă neh geh 2 gah ringbal tam klac bal.

                                         Cau cih mờ yal tơngit K’ Duẩn.