VOV4.K’ho- Văn phòng Quốc hội geh jơnau yal pà git, ngai 15/3 do, pơrjum dơ̆ 54 bơh Ủy ban Thường vụ Quốc hội dê geh lơh tàm cơldŭ pơrjum Tân Trào, hìu lơh broă Quốc hội, càr lơgar Hà Nội. Chủ tịch Quốc hội, mò Nguyễn Thị Kim Ngân đơs mut pơrjum bal mờ ală Phó Chủ tịch Quốc hội tàm pơdar đơng lam tơngume dơ̆ pơrjum.

Jat broă kờp dŭ lài, Ủy ban Thường vụ Quốc hội geh pơrjum nàng sền sơ wì, ai jơnau đơs bè jơnau yal tơn jơh broă lơh tơngai lơh broă khoá 14 bơh Quốc hội dê, Ủy ban Thường vụ Quốc hội dê; jơnau yal cồng nha sền gròi broă bơsong jơnau đơs bơh cau tĕ khà dê pơyua tus pơrjum dơ̆ 10, Quốc hội khoá 14; jơnau yal tơrgùm jơnau đơs bơh cau tĕ khà mờ làng bol dê pơyua tus pơrjum dơ̆ 11, Quốc hội khoá 14; ai jơnau đơs mờ sră nggal gơ wèt tus mờ jơnau yal sền sơ wì bơ tơl cồng nha lam lơh broă rơndap lơh bơtàu tơnguh lơh sa- mpồl bơtiàn mờ kes priă dà lơgar nam 2020. Tàm pơrjum, Ủy ban Thường vụ Quốc hội ai jơnau đơs bè broă lơh kuang bàng nàng yal Quốc hội in.

Cau mblàng K’Duẩn