VOV4.K’ho- Drim do, 15/03, tàm Hà Nôị, sơn đờm mut pơrjum dơ̆ 54 bơh Ủy ban Thường vụ Quốc hội. Geh bơyai lơh tàm dùl ngai, tơngume sền gròi ngan là Ủy ban Thường vụ Quốc hội ai jơnau đơs bè broă rcang laì ai pơrjum dơ̆ 11, Quốc hội khoá 14  mờ broă lơh kuang bàng nàng yal mờ Quốc hội in. Tàm dơ̆ pơrjum dà lơgar dơ̆ 2, khoá 13, pa tơn jơh drim ngai 09/03, Dà lơgar neh đùh sră yal tơngĭt kuang bàng tơlik mat tĕ khà ală gơ noar broă Chủ tịch lơgar, Thủ tướng Chính phủ, Chủ tịch Quốc hội là ală gơ noar broă kuang đơng lam bồ tờm bơh Dà lơgar dê mờ ală sră đùh tơrgùm uă ngan. Bộ Chính trị neh yal mờ dan jơnau đơs bơh Dà lơgar dê lài mờ tŭ Bộ Chính trị ngan ngồn yal tơngĭt kuang bàng gơ wèt mờ ală gơ noar broă ndai nàng Quốc hội in sền sơ wì, pồ halà ring bal jat jơnau sồr bơh Sơnoa bơh lam mờ Adat boh lam dê.

Kung tàm pơrjum dơ̆ 54 do sơl, Ủy ban Thường vụ Quốc hội ai jơnau đơs bè jơnau yal tơn jơh broă lơh tơngai lơh broă khoá 14 bơh Quốc hội, Ủy ban Thường vụ Quốc hội dê. Ală jơnau yal cồng nha sền gròi broă bơsong jơnau đơs, jơnau dan bơh cau tĕ khà dê pơ yoa tus pơrjum dơ̆ 10, Quốc hội khoá 14; tơrgùm jơnau đơs, jơnau dan bơh cau tĕ khà mờ làng bol dê pơyoa tus pơrjum dơ̆ 11, Quốc hội khoá 14 in.

Cau mblàng K’ Hạnh