VOV4.K’ho – Ngai òr 1/7, Mpồl duh broă ala mat làng bol càr Daknông kơnă III, tơngai lơh broă bơh nam 2016- 2021 bơyai lơh pơrjum dơ\ sơn rờp. Đơs đơng lam dơ\ pơrjum, ồng Lê Diễn kuang geh jơng tàm Mpồl Đảng Dà lơgar mơkung là Kuang atbồ đơng lam Đảng càr, Kuang atbồ Mpồl kuang bàng Gơnoar ala mat dà lơgar càr Daknông kơnă III, đơs tờm: Mpồl duh broă ala mat làng bol càr kơnă III kờn pal pơn jat tai tam gơl pa tơl làm, tơnguh jơnhoa pràn jak, lơh geh mờ cồng nha broă lơh. Mpồl duh broă ala mat làng bol, mờ Anih duh broă làng bol ală kơnă bơh càr tus [òn drà, kơnhoàl, sơnah [òn, ntum pal rềp mềl mờ [òn lơgar, iat kơno, gi\t wa\ jrô, jơh nùs bơsong di tu\ dipal, lơh geh bơta kuơ bal dipal, di mờ kơrnoat boh lam bơh làng bol dê, ngan là ală bơta ờ suk tàm broă lơh sa, tàm rài kis…Dơ\ pơrjum neh lơh ală broă pồ ală kuang bàng lơh broă tàm Anih duh broă làng bol càr, tơngai lơh broă bơh nam 2016- 2021. Cồng nha, ồng Nguyễn Bốn kuang jat jơng atbồ đơng lam Đảng càr, Kuang atbồ Anih duh broă làng bol càr kơnă II, geh pồ lơh tai Kuang atbồ Anih duh broă làng bol càr kơnă III, tơngai lơh broă bơh nam 2016- 2021. Ală ồng, mò: Trần Xuân Hải, kuang jat jơng atbồ Anih duh broă làng bol càr kơnă II; Cao Huy kuang jat jơng atbồ Anih duh broă làng bol càr kơnă II; Trương Thanh Tùng kuang jat jơng atbồ Anih duh broă làng bol càr kơnă II; Tôn Thị Ngọc Hạnh kuang geh jơng tàm Mpồl đơng lam Đảng càr mơkung là Kuang jat jơng atbồ Anih duh broă làng bol càr kơnă II geh pồ lơh tai gơnoar broă Kuang jat jơng atbồ Anih duh broă làng bol càr kơnă III, tơngai lơh broă bơh nam 2016- 2021.

                              Cau cih mờ yal tơngi\t- Lơ Mu K’ Yến