VOV4.K’ho- Mho ngai 30/7, tàm Hà Nội geh lơh Pơrjum pờ tơlik tơn tàm internet “Cau lơh broă bal nghị viện bè lơh broă bal bơto bơtê, niam chài, tài bơta bơtàu tơnguh kơ\ kơl jăp” đơs lơyah là AIPA- ECC.

Pơrjum dơ\ do là jơnau sồr lơh bơh lơgar tờm drơng lơh Việt Nam dê, Kuang ătbồ AIPA nam 2020 bal mờ bơta kơ\p kờ` ală nghị viện tàm mpồl, ală cau lơh broă bal bal mờ gơ\p cribơyai bè gùng dà lơh broă bal đah ală nghị viện AIPA tàm ală gah broă lơh bơto bơtê mờ niam chài nàng kờ` lơh jăt Broă rơndăp lơh kuơmàng tus nam 2030 tài bơta bơtàu tơnguh kơ\ kơl jăp bơh Liên hợp quốc dê; bơh hơ\ pơgồp bơnah sền gàr bơhiàn niam chài krơi is ASEAN dê, bơ\t bơtàu mpồl bơtiàn ASEAN pas sơm, jak chài mờ bơtàu tơnguh kơ\ kơl jăp.

Tàm pơrjum, ala măt ală mpồl cau ala măt ală lơgar tàm mpồl AIPA neh cribơyai bè gơnoar broă bơh Nghị viện dê tàm broă bơ\t bơtàu gùng dà broă lơh kơrnoat boh lam đơs bal ai broă tơnguh uă cồng nha bơto bơtê mờ tàm tơrbo\ bal bồ tơngoh jak đah ală dà lơgar tàm tiah do. Ală cau ala măt kung đơs sùm tus broă bơ\t bơtàu tơngume kơrnoat boh lam, tơnguh uă bơta gi\t wa\ lòt nhơl geh kơnòl; prăp gàr mờ tàm tơrbo\ phan lời wơl niam chài tàm ù tiah ASEAN nàng bơtàu tơnguh kơ\ kơl jăp; hòi tơrgùm mờ ngui niam bơta pràn ai prăp gàr phan lời wơl, sền gàr rài kis niam chài is in.

Cau mblàng Lơ Mu K’Yến