VOV4.K’ho- Mho òr (16/9), tàm Hà Nội geh bơyai lơh pơrjum dờng bè tơnguh bơtàu cau lơh broă ai dunia broă lơh in gam tam gơl.

Do là pơrjum kuơ màng bơh ală Bộ trưởng Lao Động mpồl ASEAN mờ Bộ trưởng Giáo dục mpồl ASEAN geh Bộ Lao Động-Thương binh mờ Xã hội pơgồp bal mờ Bộ Giáo dục mờ Đào tạo bơyai lơh.

Pơrjum geh bơyai lơh mờ 4 dơ\ cri bơyai jăt tơngu me, tàm hơ\ geh: broă lơh bal ai broă tơnguh bơtàu cau lơh broă; tơnguh bơtàu cau lơh broă tàm rài tơnơ\ mờ kòp gơtòp; gơnoar kuang đơng lam bơh tiah cau dùl nă să lơh is mờ broă tơnguh bơtàu cau lơh broă; ală broă bơto mờ bơsram rơcang ai rơnàng tơnơ\ do in nàng chồl pràn ală bơta ngăc ngar bơh rài 21.

Tơngu me bơh pơrjum kờ` chồl pràn broă lơh bal mpồl ASEAN bè tơnguh bơtàu cau lơh broă di pal mờ broă kờ` tơnguh bơtàu bơh công nghệ dê; tơnguh broă lơh bal bơh mpồl ASEAN mờ ală lơgar cri bơyai bal, ală anih lơh sa kă bro dong kờl tàm broă tơnguh bơtàu cau lơh broă; pơgồp bal ală cồng nha mùl màl nàng ai tàm pơrjum dờng mpồl ASEAN nhai 11 nam 2020.

Cau mblàng Ndong Brawl