VOV4.K’ho – 3 ngai do, tàm Trung tâm Pơrjum Daknông neh geh lơh Pơrjum dờng cau ala mat cau ùr càr Daknông dơ\ III, tơngai lơh broă bơh nam 2016- 2021. Tàm tơngai lơh broă lài, cau ùr càr Daknông neh tam klac bal, nhhap nhhar, bơceh pa, lơh jat bơhiàn, nùs nhơm niam bơne\ bơh cau ùr Việt Nam dê, pơgồp bal bơta pràn mu\t lơh jai pha ală jơnau kờn bơtàu tơnguh lơh sa- mpồl bơtiàn, gàr kơ\ bơta lơngăp lơngai, chính trị bơh càr dê. Uă dơ\ lam sồr, srơh tàm pơrlòng neh geh lơh cồng nha, bè: “Cau ùr jơh nùs bơsram, lơh broă bơceh pa, bơ\t bơtàu hìu bơnhă chờ hờp lơngăp lơngai”, “Bơ\t bơtàu hìu bơnhă 5 ờ 3 kloh”, “Jơh gùt làng bol tam klac bal bơ\t bơtàu rài kis ngac ngar jak chài tàm tiah ơm kis”…Ală broă lơh nùs nhơm, dong kờl gơ\p tơrmù r[ah, bơtàu tơnguh lơh sa, bơtàu tơnguh rài kis…geh lơh pràn mờ tơngume bal mờ gùng dà broă lơh uă ngan, geh kuơ ngan mờ geh cồng nha, pơgồp bơnah dong mờr 3 rbô hìu bơh cau ùr lơh tờm lik klàs r[ah. Di tàm dơ\ do, mpồl cau ùr càr Daknông neh pà 20 bơnah priă dong kờl bơsram ai kơnòm ùr bơsram r[ah in tơl bơnah phan là 1 tơlak priă mờ jàu 400 tơlak priă lơh hìu nùs nhơm ai cau ùr kòn cau r[ah in.

Cau cih mờ yal tơngi\t- Lơ Mu K’ Yến