VOV4.K’ho- Nàng kờ` tam pà bal ală bơta hoàc huơr kơn jơ\ kơn ju\t ngan tài gơ rềng bơh mìu càl rơbu\t dờng sồ 6 mờ ală càr tiah tàm gùl lơgar gam pal kong, tàm Pơrjum dờng cau ala mat Đảng bộ càr Dak Lak dơ\ 17, tơngai lơh broă bơh nam 2020-2025, ală cau ala mat neh tă pơgồp dong kờl làng bol tiah tàm gùl lơgar bơsong bơta hoàc huơr tài bơh mìu càl rbu\t dờng.

Mờ nùs nhơm“ Dak Lak wèt rê tiah tàm gùl lơgar”, Ủy ban Mặt trận dà lơgar việt Nam càr Dak Lak hòi jà ală kuang bàng, công chức, viên chức, cau lơh broă, mpồl phàu crong, ală rơnàng làng bol, ală anih lơh broă, mpồl lơh broă, mpồl cau, mpồl lơh sa kă bro, ală cau geh nùs nhơm niam, đòm jat bơhìan “tam dong tàm kờl bal” “nha ngan glòm nha sèt” mờ nùs nhơm “ tam pà bal piang sa ào soh” sơm bat tê bal tam pà bal, dong kờl làng bol tiah gơtìp hoàc huơr tài bơh mìu càl rơbu\t dờng lơh gơlik.

Bơta dong kờl ngan ngồn bè nùs nhơm, phan bơna, lơh gơmù [à ală bơta jê sồt, roh rui, tă pơgồp bơnah sơr băc mhar lơh niam wơl lơh sa mờ bè ờs wơl rài kis làng bol tàm tiah mìu dờng dà ko\ dà cò tài trồ tiah lơh aniai. Tơnơ\ tu\ lam lơh, ală cau ala mat tus bal Pơrjum dờng neh dong kờl làng bol tiah tàm gùl lơgar gơtìp dà ko\ dà cò mờ khà priă 110 tơlak đong.

Cau mblàng K’ Hạnh