VOV4.K’ho- Ngai òr 26/6, tàm [òn dờng Kon Tum, Ủy ban Mặt trận dà lơgar Việt Nam càr Kon Tum bơyai lơh Pơrjum cau ala mat dơ\ X, tơngai lơh broă bơh nam 2019- 2024. Tus bal Pơrjum geh ồng Trần Thanh Mẫn, Bí thư Đảng Dà lơgar, Chủ tịch Ủy ban Mặt trận dà lơgar Việt Nam.

                       Ồng Trần Thanh Mẫn pà pang bìai cih akhar lời kir sơnrai ai Pơrjum dờng in

Đơs tàm pơrjum, ồng Trần Thanh Mẫn sồr ală kấp bơh càr Kon Tum dê rcăng lài bơ\t bơtàu ală broă lơh, broă rơndăp lơh mờ ală gùng dà broă lơh loh làng gờ` bơsong ală bơta gam gơkòl, ờ pràn jak, ờ hềt niam; tơrgùm kơlôi sơnơng, tam gơl pa gùng dà lơh broă nàng lơh jat jơnau sồr “tơl nă kuang bàng Mặt rrận pal rềp mềl mờ làng bol, lòt rềp mờ làng bol, iat kơno jơnau đơs làng bol dê”.

Mờ tơngume “Tam klac, làng bol lơh tờm, dùl nùs bal, bơtàu tơnguh”, Pơrjum dờng cau ala mat mặt trận dà lơgar Việt Nam càr Kon Tum dơ\ X rwah pơn jat tai tam gơl pa pràn kơldang tơngume mờ gùng dà lơh broă; lơh uă ală gùng dà mblàng yal, lam sồr, bơtòm tơrgùm làng bol nàng bơ\t bơtàu mờ lơh kơ\ kơl jăp mpồl tam klac dờng gùt jơi bơtiàn; lơh jat niam gơnoar broă ala mat, sền gàr gơnoar mờ bơta kuơ dipal mờ kơrnoat boh lam, dipal bơh Làng bol dê, gàr kơ\ kơl jăp chính trị, rơndăp tăp sèng ờdo ờdă gùt mpồl bơtiàn, pơgồp bơnah bơ\t bơtàu càr Kon Tum kơ\ kơl jăp mờ bơtàu tơnguh jo\ jòng.

Cau mblàng Lơ Mu K’Yến