VOV4.K’ho - Ngai òr (09/6), Đảng bộ anih lơh broă Ban Nội chính Dà lơgar bơyai lơh pơrjum dờng đảng bộ dơ\ 2, tơngai lơh broă bơh nam 2020 tus 2025.

Do là pơrjum dờng sơnrờp ngan bơh 61 đảng bộ gơwèt Đảng bộ mpồl ală anih lơh broă Dà lơgar.

Tơngai lơh broă lài do, Đảng uỷ anih lơh broă Ban Nội chính Dà lơgar neh đơng lam, lam sồr cấp uỷ, kuang bàng, cau geh đảng lơh gơs niam ală kơnòl geh jào. Đảng uỷ neh rơcang pơgồp bal nền nòn mờ Ban Nội chính đơng lam, lam sồr kuang bàng, cau geh đảng tàm Đảng bộ tơnguh nùs nhơm rơcang lài, bơceh lơh, lơh gơs niam ală kơnòl chính trị geh jào.

Đơs tàm dơ\ đơng lam pơrjum, ồng Sơn Minh Thắng, Bí thư Đảng uỷ mpồl ală anih lơh broă Dà lơgar đơs: Ban Nội chính Dà lơgar là anih lơh broă pơlam broă lơh kuơ màng, dong kờl mpồl đơng lam Đảng Dà lơgar, Bộ Chính trị, Ban Bí thư Đảng dà lơgar sền kờ` g^t, sền gròi bè broă nội chính; sơndră mờ sa kuề sa koà mờ lơh nioam tư pháp. Den tàng, Đảng bộ pal sền kuơ mờ lơh niam broă chính trị nùs nhơm, ai do là kơnòl chính trị lài ngan.

Cau mblàng Ndong Brawl