VOV4.K’ho- Mho ngai (29/6) tàm Hà Nội, geh bơyai lơh pơrjum dờng Đảng bộ anih lơh broă Mpồl lơh sa dà lơgar dơ\ 2, tơngai lơh broă bơh nam 2020 - 2025. Tus bal mờ đơng lam pơrjum dờng geh ồng Nguyễn Văn Bình, Uỷ viên Bộ Chính trị, Bí thư Đảng dà lơgar, Kuang atbồ Mpồl lơh sa dà lơgar, ồng Sơn Minh Thắng, Bí thư Đảng uỷ Khối ală anih lơh broă dà lơgar.

Đơs mờ đơng lam tàm dơ\ pơrjum dờng, ồng Nguyễn Văn Bình tơngkah tàm tơngai tus Đảng bộ Anih lơh broă pal ngui niam ală cồng nha neh lơh geh  tàm tơngai lơh broă pa do, pơn jat tai tam gơl pa mờ tơnguh uă bơta niam broă bơt bơtàu Đảng bè chính trị, bồ tơngoh, nùs nhơm.

Tàm nam do, pal tơr gùm bơta tờm kuơ màng tàm broă pơgồp jơnau đơs ală sră nggal bơh ală tiah dê mờ Sră nggal Pơrjum dờng dơ\ 13 bơh Đảng dê, mơkung lơh gơs ală rơndap broă lơh dờng jat broă rơndap lơh kơnòl broă tờm kuơ màng, sơlơ tơnguh broă bơto pơlam, lòt sền, sền gròi broă lơh jat ală Nghị quyết neh ai ngui.

Cau mblàng K’ Hạnh