VOV4.K’ho- Tàm 2 ngai bơh ngai 28 tus ngai 29/7, tàm Hà Nội, Đảng bộ Bộ Công Thương neh lơh dơ\ pơrjum dờng cau ala mat Đảng bộ Bộ Công Thương dơ\ 3 tơngai lơh broă bơh nam 2020-2025, tàm nùs nhơm lơh jat niam, geh cồng nha, ờ do ờ dă, di pal tơl làm ală jơnau sồr bè rcang sơn dră kòp Covid-19.

Đơs tàm dơ\ đơng lam pơrjum dờng, ồng Trương Xuân Cừ - Phó Bí thư Đảng ủy Khối ală anih lơh broă dà lơgar dê sồr Đảng bộ Bộ Công thương tàm tơngai pa pal pơn jat tai tơr gùm đơng lam, sồr lam lơh jat niam Nghị quyết pơrjum dờng cau ala mat gùt lơgar dơ\ 13 bơh Đảng dê. Gùt Đảng bộ pal tơnguh uă nùs nhơm geh kơnòl, lơh jat ală cồng nha neh lơh geh, bơsong ală bơta ờ niam nàng bơt bơtàu Đảng bộ sàng goh, kơ\ kơl jap, ai ală Nghị quyết bơh Đảng dê mut tàm rài kis, pơgồp bơnah lơh geh jai pha, broă lơh tam gơl pa mờ bơtàu tơnguh dà lơgar.

Cau mblàng K’ Hạnh