VOV4.K’ho - Ngai òr (30/9), pơrjum dờng cau ala măt dơ\ 16, mpồl đơng lam Đảng bộ càr Gia Lai, tơngai bơh nam 2020 tus 2025, neh tơn jơh, ring bal nghị quyết pơrjum dờng.

Pơrjum dờng neh lời wơl bơta niam uă bè nùs nhơm dùl nùs bal, nền nòn mờ geh bồ tơngoh kơlôi sơnơng uă bơh ală kuang bàng.

Nghị quyết pơrjum dờng cau ala măt dơ\ 16, tơngai lơh broă bơh nam 2020 tus 2025, đơs tus 17 khà lơh sa mpồl bơtiàn, 7 mpồl kơnòl broă lơh, tàm hơ\ geh 4 kơnòl broă lơh geh ai là tòm ngan.

Nghị quyết ai tơl^k khà broă, pah nam ndrờm geh 80% khà mpồl đảng tàm càr lơh gơs niam kơnòl rơlao hờ đang; khà tơmu\t cau geh đảng pa pah nam geh 3% rơlao hờ đang.

Bè broă lơh sa mpồl bơtiàn, càr Gia Lai lơh ngan geh khà gơguh lơh sa (GRDP) gơguh pah nam 8,6% rơlao hờ đang. Tus nam 2025, geh 120 xã mờ 10 tiah cấp kơnhoàl lơh gơs broă bơ\t bơtàu [òn lơgar pa; tam brê geh 40 rơbô lồ jơh tàm tơngai lơh broă nàng geh khà kơl dìng chi brê geh 47,75% tàm nam 2025.

Đơs tơn jơh pơrjum dờng, ồng Hồ Văn Niên, Uỷ viên Dự khuyết mpồl đơng lam Đảng dà lơgar, Bí thư Tỉnh uỷ Gia Lai sồr jơh ală mpồl lơh broă chính trị tàm gùt càr pal geh broă lơh mơ nàng ai nghị quyết mu\t tàm rài kis.

Cau mblàng Ndong Brawl