VOV4.K’ho - Drim òr (25/9), pơrjum dờng cau ala măt Đàng bộ càr Kon Tum dơ\ 16, tơngai lơh broă bơh nam 2020 tus 2025 neh lơh gơs tơngu me, broă lơh, ring bal Nghị quyết mờ tơn jơh pơrjum dờng.

                                          Ală kuang bàng pờ tê ring bal Nghị quyết pơrjum dờng 

Nghị quyết pơrjum dờng Đảng bộ càr Kon Tum dơ\ 16 geh ai khà broă tàm tơngai bơh nam 2020 tus 2025 broă lơh sa gơguh 10% tàm 1 nam rơlao hờ đang. Kờp jơh khà phan geh lơh tơl nă cau 70 tơlăk đong rơlao hờ đang.

Tă dia kes priă dà lơgar tàm càr gơguh 8,2% tàm 1 nam mờ tus nam 2025 geh rơlao 5 rơbô tơmàn đong. Khà hìu rơ[ah gơmù bơh 3 tus 4% tàm 1 nam. Tus nam 2025, tơmu\t đảng geh 5 rơbô nă cau.

Khà mpồl lơh broă đảng tàm ală tiah lơh gơs niam kơnòl rơlao hờ đang pah nam geh rơlao 75%. Rơlao 76% khà làng bol geh tơrgùm tàm ală mpồl lơh broă chính trị, mpồl bơtiàn.

Ồng Dương Văn Trang, Uỷ viên BCH Đảng dà lơgar, Bí thư Tỉnh uỷ Kon Tum khoă 15 pơn jăt tai geh pồ lơh Bí thư Tỉnh uỷ Kon Tum khoă 16, tơngai lơh broă bơh nam 2020 tus 2025.

Cau mblàng Ndong Brawl