VOV4.K’ho - Drim òr (23/9), tàm hìu pơrjum càr Yên Bái, pơrjum dờng cau ala măt Đảng bộ càr Yên Bái dơ\ 19, tơngai lơh broă bơh nam 2020 tus 2025 mùl màl neh sơnđờm, mờ broă tus bal bơh 325 nă cau ala măt rơlao 58 rơbô nă đảng viên tàm gùt đảng bộ.

Ủy viên Bộ Chính trị, Thường trực Ban Bí thư ồng Trần Quốc Vượng neh ala măt Bộ Chính trị, Ban Bí thư tus mờ đơng lam pơrjum dờng. Mờ gùng dà “Dùl nùs bal – Tam klăc bal – Tam gơl pa – Bơceh pa – Tơnguh bơtàu”, Pơrjum dờng dơ\ do geh kuơ màng ngan, ai gùng dà broă lơh, lam sồr ală cấp, ală gah lơh broă, ală kuang bàng, cau geh đảng, mpồl ling bal mờ làng bol ală kòn cau tàm càr.

Đơs tàm pơrjum dờng, Thường trực Ban Bí thư ồng Trần Quốc Vượng neh dờp, 5 nam do, Đảng bộ mờ làng bol ală kòn cau càr Yên Bái neh tam klăc bal dùl nùs, lơh jăt nền nòn kơrnoăt boh lam, `hăp `har, bơceh pa, khin kơlôi, khin lơh; đơng lam, lam sồr nền nòn, lơh ngan, lơh tòm, lơh tơrgùm ală khà broă, kơnòl broă chính trị Đảng bộ dê.

Cau mblàng Ndong Brawl