VOV4.K’ho- Drim ngai (19/6), tàm Đà Nẵng, GS.TS ồng Nguyễn Xuân Thắng, Bí thư Đảng dà lơgar, Chủ tịch Hội đồng Lý luận dà lơgar, Kuang atbồ Học viện Chính trị dà lơgar Hồ Chí Minh tus bal pơrjum dờng Đảng bộ Học viện Chính trị Tiah 3 (tơngai lơh broă bơh nam 2020-2025).

5 nam do, Đảng ủy Học viện Chính trị Tiah 3 hời rơ hời tam gơl pa gùng dà đơng lam di pal mờ jơnau sồr bơh tơngai pa dê. Broă lơh atbồ khoa học ngai sơlơ geh tam gơl pa. Bơta niam kơlôi sơnơng khoa học geh sơlơ tơnguh, pơgồp bơnah tơnguh uă bơta niam tàm broă bơto bơtê, bơsram mờ tus bal tơn jơh bơta geh ngan tàm ală càr tiah tàm gùl lơgar mờ Tây Nguyên.

Đơs tàm dơ\ đơng lam pơrjum dờng, GS.TS Nguyễn Xuân Thắng đơs niam ngan Đảng bộ Học viện Chính trị Tiah 3 tàm broă lơh đơng lam, sồr lam, bơto pơlam kuang bàng, ngan là broă rcang sră nggal, kuang bàng lơh broă tàm tơngai lơh broă tus do.

Cau mblàng K’ Hạnh