VOV4.K’ho - Mho òr (26/1), tàm hìu pơrjum dà lơgar Mỹ Đình, càr lơgar Hà Nội, pơrjum dờng Đảng gùt lơgar dơ\ 12 neh yal cồng nha te\ khà, yal khà măt ală cau geh pồ tàm mpồl đơng lam Đảng dà lơgar kơnă 12. Pơrjum dờng Đảng neh yal cồng nha pồ mpồl đơng lam Đảng dà lơgar kơnă 12 geh 200 nă kuang bàng, tàm hơ\ geh 180 nă kuang bàng mùl màl mờ 20 nă kuang bàng rơcang mu\t. Jăt khà măt kuang bàng do, 4 nă kuang bàng geh pồ at groăt đơng lam dờng rơlao jơh neh geh pồ tàm mpồl đơng lam Đảng dà lơgar kơnă 12. Hơ\ là: Ồng Nguyễn Phú Trọng, kuang atbồ đơng lam Đảng dà lơgar kơnă 11 geh tơl^k măt yal pồ lơh kuang atbồ đơng lam Đảng dà lơgar kơnă 12; ồng Trần Đại Quang, kuang geh jơng tàm gah gùng dră bal dà lơgar kơnă 11, kuang atbồ gah kuang àng dà lơgar geh tơl^k măt yal pồ lơh kuang atbồ lơgar; ồng Nguyễn Xuân Phúc, kuang geh jơng tàm gah gùng dră bal dà lơgar kơnă 11, kuang jăt jơng gơs gơnăp gơnoar atbồ hờ đang rơlao jơh dà lơgar geh tơl^k măt yal pồ lơh kuang gơs gơnăp gơnoar atbồ hờ đang rơlao jơh dà lơgar; mò Nguyễn Thị Kim Ngân, kuang geh jơng tàm gah gùng dră bal dà lơgar kơnă 11, kuang jăt jơng atbồ Gơnoar ala măt dà lơgar neh tơl^k măt yal pồ lơh kuang atbồ Gơnoar ala măt dà lơgar.

Ngai do (27/1), mpồl đơng lam Đảng dà lơgar kơnă 12 pơrjum dơ\ sơnrờp kờ` pồ ală groăt đơng lam tòm: Gah gùng dră bal dà lơgar, kuang atbồ đơng lam Đảng dà lơgar, mpồl đơng lam Đảng dà lơgar, Anih duh broă sền gròi dà lơgar mờ Kuang atbồ anih duh broă sền gròi dà lơgar.

        Cau cih mờ yal tơng^t Ndong Brawl