VOV4.K’ho- Ban Chấp hành Đảng dà lơgar lơh nền bơyai lơh pơrjum dờng dơ\ 13 bơh ngai 25/1/2021 tus ngai 2/2/2021 tàm Hà Nội. Jơnau lơh nền bơyai lơh pơrjum dờng dơ\ 13 geh ai tơlik tàm pơrjum Đảng dà lơgar dơ\ 14, khóa 12, bơh ngai 14/12 tus ngai 18/12. Jat jơnau rơcang cih sră nggal yal pơrjum dờng dơ\ 13, pơrjum dờng dơ\ do geh kơnòl sền tìs di broă lơh jat Nghị quyết pơrjum dờng dơ\ 12 gơ jat bal mờ sền sơwì jơh broă tam gơl pa; lơh nền broă rơndap lơh, jơnau kờ`, kơnòl broă tàm 5 nam, 10 nam tus mờ broă wèt sền tus nam 2045.

Pơrjum dờng dơ\ 13 kung sền sơ wì broă lơh jat Điều lệ Đảng khóa 12; sền tìs di bơta đơng lam bồ bơh Ban Chấp hành Đảng dà lơgar khóa 12 dê; pồ Ban Chấp hành Đảng dà lơgar khóa 13. Pơrjum dờng geh bơyai lơh jat jơnau đơs :Tam klac – ring bal dùl nùs – jat jơrnuat – bơceh pa – bơtàu tơnguh mờ tơngume: Sơlơ bơt bơtàu, lơh niam wơl Đảng mờ mpồl lơh broă chính trị sàng goh, pràn kơldang, kơ\ kơljap; tơnguh bơta kơp kờ` bơtàu tơnguh dà lơgar, tơnguh nùs nhơm lơh ngan, bơta pràn tam klac dờng gùt jơi bơtìan pơgồp bal mờ bơta pràn tu\ tơngai; pơn jat tai chồl pràn tơl làm, ring bal broă lơh tam gơl pa; bơt bơtàu mờ sền gàr kơ\ kơljap dà lơgar, sền gàr tiah ơm kis ring lơngai, kơ\ kơljap, lơh ngan tus nggùl rài 21, lơgar he gơ gơs là lơgar bơtàu tơnguh jat gùng dà Xã hội Chủ nghĩa.

Cau mblàng K’Duẩn