VOV4.K’ho- Tàm jơnau yal chính trị bơh pơrjum dờng dơ\ 13 Đảng dê neh tơl^k loh: Tơnguh uă ngan bơta kòn bơnus; kòn bơnus là bơta tờm, cau tờm, là bơta pràn tờm mờ tơngu me tờm bơh broă tơnguh bơtàu.

Kờ` ai dà lơgar he mu\t tàm tơngai tơnguh bơtàu pa, den mpồl ơruh pơnu pal tơnguh bơta ngăc ngar tam klăc bal, bơta pràn bơsram is, bơceh lơh.

Sền gròi pơrjum dờng dơ\ 13 bơh Đảng gam geh bơyai lơh tàm ală ngai pa do, uă đoàn viên, ơruh pơnu tàm gùt lơgar tơl^k nùs nhơm pin dờn mờ kơ\p gơn. Pơrjum dờng Đảng dơ\ do geh ai tơl^k ală gùng dà broă lơh di pal bè broă tơnguh bơtàu lơh sa mpồl bơtiàn tàm bơta pa. Bi Lê Văn Lương, Bí thư tỉnh đoàn Nghệ An đơs:

-Cau kơnòm să càr Nghệ An jơh nùs pin dờn tàm broă đơng lam bơh Đảng, pin dờn tàm cồng nha bơh pơrjum dờng kung bè lơh jơh bơta pràn kơnòm să nàng pơgồp bal tàm broă bơ\t bơtàu pơrjum dờng, [òn lơgar, dà lơgar.

Kơ\p gơn pơrjum dờng geh ală gùng dà broă lơh is ai ală tiah gơtìp kalke mờ tàm hơ\ uă ngan là ai tơl bơta niam nàng ơruh pơnu in sơn đờm lơh broă, mu\t lơh broă. Kơ\p kờ` pơrjum dờng ai tơl bơta niam bơ\t bơtàu mpồl lơh broă tàm ală tiah, [òn lơgar.

Là cau bơsram dờng nam du\t ndơl tàm Học viện Ngân hàng mờ geh mu\t tàm mpồl cau geh Đảng neh 2 nam, Đỗ Ngọc Đăng sền gròi ngan tus mờ jơnau tơng^t bè pơrjum dờng dơ\ 13 Đảng dê, tàm hơ\ uă ngan là ală gùng dà broă tơnguh bơtàu lơh sa mpồl bơtiàn geh cih tàm ală sră nggal pơrjum dờng.

Mùl màl là: tơnguh bơtàu cau lơh broă, tàm hơ\ uă ngan là mpồl cau lơh broă geh bơta niam uă. Tài do là dùl tàm ală tơngu me tàm 3 broă lơh pràn jo\ jòng nàng lơh jăt ală kơnòl tờm mờ broă lơh tờm tàm broă tơnguh bơtàu dà lơgar tơngai tus:

-Gùng dà broă lơh bơh Đảng, Dà lơgar he tàm ală nam do tơrgùm tàm broă tơnguh bơtàu mpồl cau lơh broă kơnòm să, mpồl cau lơh broă pa.

A` kơ\p kờ` Đảng, Dà lơgar he geh tai uă gùng dà broă lơh rơlao tai bè broă bơto cau lơh broă geh bơta niam uă tàm ală hìu bơsram Đại học mờ bơto tai bè broă gùng dà kơlôi sơnơng, bơ\t bơtàu ală broă lơh ai ală cau bơyô kơnòm să in bơceh lơh, mu\t lơh broă.

Ală broă bơto đại học pa nàng geh tìp tai mờ ală gùng dà broă lơh pa bơh dunia dê, bè gùng dà broă lơh bè công nghệ 4.0, tu\ lơi kung rơcang mu\t lơh broă bơh tu\ gam tàm hìu bơsram dờng.

Nguyễn Anh Thư pa jơh bơsram mờ geh khà bơsram jăk tàm hìu bơsram Đại học Luật Hà Nội đơs, ală nam do, Đảng, Dà lơgar sùm ai khoa học – công nghệ geh gơnoar kuơ màng tàm broă tơnguh bơtàu lơh sa mpồl botiàn, mờ geh uă broă lơh nàng chồl pràn broă tam gơlpa bơceh lơh…

Nguyễn Anh Thư kơ\p gơn Đảng, Dà lơgar geh tai uă gùng dà broă lơh di pal nàng chồl pràn ơruh pơnu, cau bơsram dờng tus bal kơlôi sơnơng  tam gơl pa, bơceh lơh, pơgồp bal tàm broă tơnguh bơtàu lơh sa mpồl bơtiàn dà lơgar:

-Pơrjum dờng dơ\ 13 bơh Đảng là broă lơh kuơ màng, là dùl nă cau bơsram dờng pa jơh bơsram, a` kơ\p kờ` pơn jăt tai gùng dà broă lơh tơnguh bơta geh, brồ guh bơta  gơboh kờ` bơceh lơh bơh mpồl cau kơnòm să Việt Nam dê, kờ` geh thể chế lơh gơs mùl màl, lam sồr ală dơ\ pơrlòng, broă lơh, bơh tu\ hơ\ geh dong kờl ală ơruh pơnu ai tơl^k bồ tơngoh kơlôi sơnơng lơh gơs phan mùl màl.

G^t loh gơnoar bơh ơruh pơnu dê tàm broă bơ\t bơtàu mờ tơnguh bơtàu broă lơh sa mpồl bơtiàn, Hứa Quang Linh, cau bơsram dờng nam dơ\ 4, hìu bơsram Đại học Thuỷ Lợi pà g^t, bal mờ broă dong kờl bơh Đảng mờ Dà logar, tơl nă cau bơsram dờng, ơruh pơnu ndrờm pal lơh ngan tàm broă bơsram is tai bè bơta ngăc ngar, iăt jơnau niam, di pal mờ broă kờ` tơnguh bơtàu pa dà lơgar dê:

-A` kung lơh ngan nàng gơtùi geh tơl bơta niam di pal mờ broă kờ` rơwah bơh ală mpồl lơh sa kă bro. Bơdìh mờ broă bơto bơh hìu bơssram dê, den pal jòi wă mờ g^t  di pal mờ gùng dà broă lơh, mìng là bơsram is, tơnguh jơnau g^t wă să tờm. A` pal tơrgùm jơnau g^t wă di pal mờ jơnau kờ` bơh mpồl bơtiàn tu\ do dê nàng să jan, bồ tơngoh ngăc ngar rơlao di pal mờ broă kờ` tơnguh bơtàu dà lơgar dê tàm rài pa.

Cau mblàng Ndong Brawl