VOV4.K’ho- Chỉ thị sồ 35 bơh Bộ Chính trị dê bè Pơrjum dờng Đảng bộ ală kấp wèt tus Pơrjum dờng cau ala măt gùt lơgar dơ\ 13 bơh Đảng dê cih loh: “Lơh tơrlòng lài pồ Bí thư kấp ủy tàm pơrjum dờng tàm ală anih kấp ủy tam klăc, dùl nùs bal uă”. Lơh jăt Chỉ thị, uă Pơrjum dờng kấp rlau kấp hơđơm tàm [òn lơgar neh bơyai lơh geh cồng nha mờ pồ tơn geh Bí thư tàm Pơrjum dờng. Broă pồ tơn Bí thư tàm Pơrjum dờng ờ go\ di mìng là broă lơh rcăng lài nền nòn ngan bè kuang bàng mờ hơ\ gam là bơta bơtòm tơrgùm bơh nùs nhơm tam klăc, ngui niam bồ tơngoh jak bal, rề ơnàng làng bol lơh tờm, sac rwah geh ală cau pơnrơ, bơtòm tơrgùm tơl nùs, pràn jak, bơngă, geh tơl pràn lơh geh niam jơnau sồr, kơnòl broă. Broă pồ tơn Bí thư tàm Pơrjum dờng neh tơnguh uă bơngă bơh Đảng dê gơ wèt mờ làng bol.

Là Pơrjum dờng Đảng kấp rlau kấp hơđơm bơh sơnrờp bơh càr Hải Dương dê, Pơrjum dờng cau ala măt Đảng bộ [òn dờng Hải Dương dơ\ 23, tơngai lơh broă bơh nam 2020- 2025 pa geh bơyai lơh geh cồng nha. Mờ nùs nhơm tam klăc, làng bol lơh tờm, duh rơngòt adat boh lam, tam gơl pa, Pơrjum dờng neh pồ geh 41 nă tàm kờp jơh 46 nă kuang bàng mu\t lơh broă tàm Ban Chấp hành Đảng bộ [òn dờng khoá 23. Kuơmàng tài bơh geh rcăng lài nền nòn bơh ală broă lơh 5 broă lơh broă kuang bàng, Pơrjum dờng neh pồ tơn geh cồng nha Bí thư Thành ủy tàm Pơrjum dờng mờ khà sră pồ 98,7%.

Geh pồ lơh wơl tai gơnoar broă Bí thư Thành ủy khoá 23, tơngai lơh broă bơh nam 2020- 2025, ồng Lê Đình Long, đơs bè do: Kuang bàng nàng ai pồ mờ rcăng lài niam den cồng nha bơh pơrjum dờng dê kung niam sơl. Tài bơh cau ala măt tàm Pơrjum dờng den tơngo\ geh bơta làng bol lơh tờm. Broă pồ tơn Bí thư tàm Pơrjum dờng tơngo\ bơta làng bol lơh tờm uă tàm Đảng. Hơ\ là bơta kuơmàng ngan. Jăt a` den, mờ broă pồ tơn Bí thư tàm Pơrjum dờng là bol he gam rề ơnàng làng bol lơh tờm tàm đảng viên, tàm Đảng.

3 dơ\ Pơrjum dờng lơh tơrlòng lài kấp rlau kấp hơđơm bơh Đảng bộ [òn dờng Hà Nội dê, geh: Đảng bộ, Gah đơng lam ling klàng càr lơgar Hà Nội, kơnhoàl Gia Lâm mờ quận Ba Đình kung pa bơyai lơh geh cồng nha pơrjum dờng. Tàm hơ\, Pơrjum dờng cau ala măt Đảng bộ quận Ba Đình, [òn dờng Hà Nội dơ\ 26, tơngai lơh broă bơh nam 2020- 2025 geh bơyai lơh jăt 4 tơngume sồr lơh bơh Dà lơgar mờ Thành ủy Hà Nội dê. Gi\t wa\ jrô ngan jơnau bơto sồr bơh Chủ tịch Hồ Chí Minh dê bè broă lơh kuang bàng, sền do là broă tờm bơh kơnòl broă tờm dê nàng gơtùi lơh geh bơta cồng nha bơh Pơrjum dờng dê, Ban Thường vụ Đảng ủy quận Ba Đình neh jơh nùs rcăng lài tàm đơng lam, sồr rcăng kuang bàng kấp ủy khoá 26. Kơnờm bơh hơ\ mờ Pơrjum dờng neh pồ tơn Bí thư bal mờ khà mờr 100% ring bal neh đơs nền bơta tam klăc bal dùl nùs bal uă tàm jơh gùt đảng bộ.

Ồng Nguyễn Công Thành, Phó Bí thư Quận ủy Ba Đình khoá 26, tơngai lơh broă bơh nam 2020- 2025 pà gi\t: Broă lơh rcăng lài geh bơyai lơh nền nòn ngan, lơh jăt di broă rơndăp tăp sèng sồr lơh. Lài mờ pơrjum dờng den neh bơyai lơh 4 broă, tàm hơ\ geh mpồl rcăng broă kuang bàng, mpồl dong broă, Ban Thường vụ Quận ủy sền swì nền nòn, bơyai lơh pơrjum dờng kuang bàng tờm, ai jơnau đơs bơh Ban Chấp hành Đảng bộ quận dê, kơlôi sơnơng, sền swì nàng ring bal bè rơndăp broă lơh mờ 2 broă lơh tàm Pơrjum dờng, tàm hơ\ geh broă ai sră pin dờn tàm Pơrjum dờng mờ Ban Chấp hành Đảng bộ khoá pa, khoá 26 bơyai lơh pơrjum yal tơngi\t. Ngan den tàng bè hơ\ mờ cồng nha pồ tơn Bí thư tàm Pơrjum dờng neh lơh geh khà sră pồ geh 99,62%.

Đòm jăt nùs nhơm geh kơnòl bơh ală cau ala măt dê, tus tu\ do, uă Pơrjum dờng Đảng kấp rlau kấp hơđơm neh bơyai lơh geh cồng nha tu\ sền dờng màng nùs nhơm làng bol lơh tờm, song dơ pă jơh nùs, àng sơrdah nàng pồ tơn Bí thư tàm Pơrjum dờng. Uă đảng viên đơs là, broă lơh do neh tơngo\ bơta làng bol lơh tờm, tơnguh uă bơngă bơh Đảng dê gơ wèt mờ làng bol. Broă lơh do tam gơl pa mờ geh bơta song dơ pă, lơh ai tơl nă đảng viên in go\ bơta tam gơl pa bơh Đảng dê. Mờ nùs nhơm tam gơl pa, pồ tơn Bí thư, tơl nă cau ala măt ndrờm geh tus bal pồ, ờ duh pal bơh Ban Chấp hành bè lài do. Do là bơta niam ngan gơ wèt mờ tơl nă oh mi đảng viên, geh tă pơgồp jơnau đơs mờ gi\t wa\ bơh he dê nàng pồ oh mi Bí thư.

 Jăt Bí thư Tỉnh ủy Hải Dương ồng Nguyễn Mạnh Hiển đơs, cồng nha pồ tơn Bí thư tàm Pơrjum dờng neh lơh jăt niam làng bol lơh tờm, khà sră pồ bơh jơh ală cau ala măt dê ndrờm dùl nùs bal tàm Pơrjum dờng là cồng nha bơh ală tu\ rơcăng lài nền nòn, đơs di, di pal kuang bàng, tàm ală tu\ lơh jăt kơnòl broă kung bè dờp jơnau yal sền swì kuang bàng. Ồng Nguyễn Mạnh Hiển, đơs: Sền jơnau đơs bè să tờm Bí thư dê tàm tơngai pa do bè lơi. Do là dùl broă kuơmàng ngan rlau jơh. Bơh tài, tài bơh là pồ tơn tàm Pơrjum dờng, hơ\ là tơl nă cau ala măt geh gơnoar kơlôi sơnơng, sền swì, geh jơnau đơs mờ cau pin dờn mờ lơh jăt niam nùs nhơm làng bol lơh tờm. Cồng nha te\ khà bơh Bí thư dê a` tơrgùm uă ngan, ndrờm bè uă ngan rlau jơh. Do kung là tơngo\ dùl nùs nhơm làng bol lơh tờm tàm đảng mơya mơkung là tơngo\ bơta rcăng lài jơh nùs, wil tơl mờ ală broă lơh là niam bơne\ ngan.

Pồ tơn Bí thư tàm Pơrjum dờng là dùl broă bơtàu tơnguh pal cih dờp ngan, lơh gơlik geh nùs nhơm làng bol lơh tờm tàm Đảng mờ bơ\t bơtàu geh mpồl kuang bàng geh tơl nùs nhơm niam, bồ tơngoh jak. Dilah cau tơlik măt te\ khà tơl jơh ală bơta, geh đơs niam den geh lơh geh bơta pin dờn uă nàng pồ lơh Bí thư. Bơta hơ\ kung geh đơs nền tàm ală tu\ lơh jăt kơnòl broă Bí thư geh dờp geh bơta dùl nùs bal uă, bơta lơh jăt ală jơnau sồr, gùng dà đơng lam, sồr lơh kung geh lơh geh cồng nha niam rlau sơl. Mơya, jăt ồng Nguyễn Thanh Hiền, lài do là Kuang ătbồ Hìu bơsram Chính trị càr Nghệ An dê den đơs, tàm ală tu\ pơrjum dờng, ală cau ala măt kung neh song dơ pă ngan, jơh nùs ngan, gơcèng nùs nhơm bơ\t bơtàu nàng sac rwah geh cau geh tơl nùs nhơm niam, bồ tơngoh jak, tơl bơngă pin dờn mờ tơl bơta sền sơnơng. Ồng Nguyễn Thanh Hiền, đơs: Bơta pal kơlôi rcăng ngan, dùl là pal rơndăp tăp sèng rcăng lài gơ in niam ngan. Dơ\ bàr là pal rcăng kuang bàng niam, kuang bàng pal ngan ngồn là cau geh tơl nùs nhơm niam, bồ tơngoh jak, geh bơngă pin dờn tàm ală anih lơh broă chính trị bơh tơl tiah dê. Dơ\ pe là pal lơh gơlik dùl bơta ring bal tàm mpồl kuang bàng Thường vụ, Ban Chấp hành mờ geh làng bol dùl nùs bal den tu\ hơ\ broă bơyai lơh pồ hơ\ den hơ\ sồng geh cồng nha.

Broă pồ tơn Bí thư tàm Pơrjum dờng kấp rlau mờ kấp hơđơm ờ go\ di mìng pơgồp bơnah tơnguh uă bơngă pin dờn bơh Đảng dê, mờ gam lơh gùng dà te\ khà tàm Đảng geh lơh gơs. Tàm hơ\, broă kuơmàng lài ngan là cau geh pồ pal geh tơl bơta, jơnau sồr jăt jơnau sồr bơh Dà lơgar dê. Ală tu\ wèt tus Pơrjum dờng, cau geh pồ pal dờp lơh kơnòl broă niam broă đơng lam, sồr lơh bè bơtàu tơnguh lơh sa- mpồl bơtiàn, bơsong ală broă tàm gơjra`, ờ suk tàm làng bol. Lơh niam broă lơh đơng lam, sồr lơh Pơrjum dờng bơh kấp hơđơm nàng lơh geh bơta pin dờn, nùs nhơm bơyai lơh geh cồng nha pơrjum dờng kấp rlau kấp hơđơm.

Cau cih Lại Hoa- Cau mblàng Lơ Mu K’Yến