VOV4.K’ho - Pơrjum dờng mpồl ASEAN dơ\ 36 mùl màl geh sơn đờm tàm drim ngai do 26 nhai 6.

Tài geh ală bơta kal ke bơh kòp Covid-19, ală kuang bàng đơng lam mpồl ASEAN neh ring bal bơyai lơh pơrjum jăt broă lơh pờ tơl^k tơn tàm internet.

Thủ tướng ồng Nguyễn Xuân Phúc geh đơng lam dơ\ pơrjum pờ tơl^k tơn tàm internet bơh ală kuang đơng lam dờng mpồl ASEAN dơ\ 36 mờ Chủ tịch Quốc hội mò Nguyễn Thị Kim Ngân geh jơnau đơs tàm pơrjum kuơ màng đơs tus tơngu me jào gơnoar ai cau ùr in tàm rài công nghệ số.

Mpồl bơtiàn tàm tiah do sền gròi tus mờ ală tơngu me cri bơyai tàm pơrjum bơh dơ\ pơrjum dờng mpồl ASEAN dê, kơ\p kờ` mờ gơnoar Chủ tịch mpồl ASEAN nam 2020, lơgar Việt Nam geh bal mờ ală lơgar tàm mpồl ASEAN ai geh dùl jơnau cri bơyai mờ ală jơnau hơ bal kuơ màng bè gùng dà tơnguh bơtàu mpồl ASEAN dê kung bè tơnguh broă tam klăc bal bơh mpồl ASEAN gam là tơngu me tòm cri bơyai tàm pơrjum.

Bơdìh hơ\ tai, uă tơngu me gơrềng tus mờ bơta lơngăp lơngai tàm tiah do kung geh cri bơyai bal sơl.

Cau mblàng Ndong Brawl